Page Text
________________ बत्तीसइमी दक्खत्त-रूव-बुद्धि-पुण्णाणं मुलंमि निवाइपुत्ताणं कहा - - - - - दक्खत-रूव-विनाण-पुण्णाणं चोत्तरोत्तरं / मुलं नेय इहं लोगे, रायपुत्ताइणो जहा / / 1 / / कत्थ वि नयरे निव-मंति-सेट्ठि-सत्थवाहाण चत्तारि पुत्ता पवित्तचित्ता कलाकलावविउणो आसि / ते अन्नोन्नदढनेहा खणमेत्तं पि विरहं न सहति / अन्नया ते पभणंति-"जेण देसंतरम्मि गंतूण अप्पा न तोलिओ, कज्जारूढस्स मम सामत्थजोगो केरिसो अत्थि इइ न णायं, सो जणमज्झम्मि किं गणणं लहेज्ज ?" अओ अम्हाणं देसंतरे गमणं जुत्तं / तओ नियनियसामत्थपरिक्खाहेउं नियतणुमेत्तसहाया ते सव्वे पभायसमए देसंतरं चलिया / दिणद्धसमए एगम्मि पुरे पत्ता, अन्नायकुलसीला कत्थइ देवभवणट्ठाणे ओइण्णा / कहं अज्ज भोयणं होहि त्ति भणिराण सत्थवाहसुओ ‘भो ! अज्ज मए भोयणमुप्पाइऊण देयमि'इ भणइ / तिन्नि वि तहिं ठवित्तु एगागी नगरंतरं गओ / तत्थ एगस्स वणियस्स आवणे समुवविठ्ठो / तम्मि दिणम्मि नयरे कस्सई देवस्स महूसवो आसि / सो वणिओ धूवविलेवणवासाईणो विक्केउं लग्गो, जया सो पुडियाणं बंधं काउं न पारए, ताहे सो सत्थवाहसुओ साहेजें काउमारद्धो / पत्ते भोयणकाले वणिएण सो भणिओ-'मम पाहुणो भव' / तेण भणियं-'नाहं एगागी, अण्णे वि मज्झ तिण्णि वयंसा बाहिं संति' / तया वणिएण भणियं-'ते वि लहुं आकारिज्जंतु' / सव्वे ते समागया / तेण तेसिं सव्वेसिं अइगउरवसारमायरं काउं भोयणं दिण्णं / एवं तस्स भोयणवए पंचरूवगं लग्गं / बीयदिणे सेट्ठिसुओ भोयणदाणे पइण्णं काऊण निग्गओ / सोहग्गियजणेसु सिररयणसारिच्छो सो गणिगावाडगमज्झट्ठियपवरदेवकुले उवविट्ठो / तत्थ तया महं पेच्छणगखणो महं आसि / एगाए गणियाए धूया नवजोव्वणुब्भडा नियसुभगत्तणमउम्मत्ता कंपि पुरिसं रमिउं न इच्छइ / सा तं दटुं अक्खित्तमाणसा पुणो पुणो वि पेक्खिउं समाढत्ता / एस वइयरो गणियाए मुणिओ, सा सतोसचित्ता तं सेट्ठिपुत्तं आमंतिय नियगेहं नेऊण तस्स धूयं पणामेइ / सेट्ठिपुत्तवयणेण चउण्ह वि तओ भोयणतंबोलवत्थमाइओ रूवगसयमोल्लो उवयारो विहिओ / तइयदिणे अमञ्चसुओ बुद्धिपहाणो निवधरम्मि गओ, जत्थ विवाया बहुविहा भूरिकाला य वटुंति / तत्थ दो महिलाओ एगं पुत्तं घेत्तुं उवट्ठियाओ / ताहिं अमञ्चो भणिओ भो सामिय ! विण्णत्तिं सुणसु-“अम्हाणं भत्ता लहुअम्मि पुत्तम्मि समाणे देसंतरे मरणं पत्तो, बालो न जाणेइ-'का मम जणणी एआसिं' / तओ नियडिसहावा सवत्ती कहेइ-मज्झ भत्तुस्स धणं ममं चिय, जओ अयं पुत्तो मइ जाओ, ता जीइ एस पुत्तो, दविणं पि तीइ निच्छयं होइ / एयस्स विवायस्स निण्णयत्थं तुम्हं समीवे आगयाणं अम्हाणं बहुकालो लग्गो, ता जह अज्ज एसो विवाओ परिच्छिज्जउ तहा कुणसु" / 1. सौभागित-।। 2. महं महान् / /
| SR No. | 004268 |
| Book Title | Paiavinnankaha Part 01 |
| Original Sutra Author | N/A |
| Author | Kastursuri, Somchandrasuri |
| Publisher | Rander Road Jain Sangh |
| Publication Year | 2005 |
| Total Pages | 224 |
| Language | Hindi, Sanskrit |
| Classification | Book_Devnagari |
| File Size | 33 MB |