________________
___ श्रीदशवकालिकसूत्रम्
४६५ अधुना नियुक्तिकारः श्रीमान् भद्रबाहुस्वामी दशवैकालिकश्रुतस्कन्धमहाशास्त्रकारिणः चतुर्दशपूर्वधारिणः श्रीशय्यम्भवसूरेः गुणसंस्तवमेवमाविर्भावयामास।
सिजंभवं गणहरं, जिणपडिमादसणेण पडिबुद्धं । मणगपियरं दशगालियस्स निजूहगं वंदे ।।१।।
शय्यम्भवम्-शय्यम्भवाभिधानं युगप्रधानम् । गणधरम्-अनुत्तरज्ञानदर्शनादिगुणगणं धारयतीति गणधरस्तम् । जिनप्रतिमादर्शनेन प्रतिबुद्धम्-तत्र रागद्वेषकषायेन्द्रियपरीषहोपसर्गादिजेतृत्वात् जिनः, तस्य प्रतिमा-सद्भावस्थापनारूपा, तस्या दर्शनं, तेन-हेतुभूतेन, प्रतिबुद्धः-मिथ्यात्वाज्ञाननिद्रापगमेन, सम्यक्त्वविकास प्राप्तम् । मनकपितरम्-मनकाख्यापत्यजनकम् । दशकालिकमहाश्रुतस्कन्धस्य निर्वृहकम्-पूर्वगतोद्धृतार्थविरचनाकर्तारम्। वन्दे-स्तौमि । इति गाथार्थः ।। भावार्थः पुनः कथानकादवसेयस्तञ्चेदम्
॥शय्यम्भवसूरिकथा ।। श्रीमानभूमहावीर-श्चतुर्विंशो जिनेश्वरः । जित्वा बाह्यान्तरारीन् य-त्रिलोक्याः शिरसि स्थितः ।।१।। श्रीसुधर्मा सुधर्माभूत्, तदीयो गणनायकः । विपक्षक्षेपदक्षोऽपि, चित्रं प्रतिभयान्वितः ।।२।। जम्बूः कम्बूज्ज्वलगुण-स्तस्य शिष्योऽभवन्नवः । तां काञ्चनश्रियं बिभ्रत्, सकलत्रोऽपि केवली ।।३।। तदासनमलचक्रे, तदनु प्रभवः प्रभुः । आद्यश्चतुर्दशपूर्वी, यः श्रुतः श्रुतकेवली ।।४।। श्रुतोपयोगमन्येधु-भगवान् स प्रदत्तवान् । जिनप्रवचनाधारः, को भावी मदनन्तरम् ?।।५।। स्वगच्छे नेक्षितः कोऽपि, कल्पवृक्षः कलाविव । परगच्छेऽपि नादर्शि, कोऽपि पद्ममिवाम्बरे ।।६।। श्रुतज्ञानमथासङ्घ-पाथोधिरवगाहितः । किश्चित् तत्रापि न प्रापि, प्रज्ञापात्रं सुरत्नवत् ।।७।।
अथार्यदेशमध्यस्थान्, विश्वग्रामपुरादिकान् । तादृक् पात्रोपलम्भाय, प्रेक्षमाणो निरैक्षत ।।८।।
Jain Education International
For Personal & Private Use Only
www.jainelibrary.org
