________________
४४२ . श्रीतिलकाचार्यविरचितटीकायुतम् .
यथा आहिताग्नि:-ब्राह्मणः । ज्वलनं नमस्यति । नानाहुतिमन्त्रपदा भिषिक्तम्आहुतयो घृतप्रक्षेपाद्याः, मन्त्रपदानि चाग्नये स्वाहेत्यादीनि, तैरभिषिक्तं संस्कृतम्। एवम्अग्निमिवाचार्यम् । उपतिष्ठेद्-विनयेन सेवेत । अनन्तज्ञानोपगतोऽपि सन्-अनन्तं स्वपर्यायापेक्षया वस्तु ज्ञायते येन तदनन्तज्ञानं, तेनोपगतोऽपि सन् । किमङ्ग ? पुनरन्यः।।
एतदेव स्पष्टयन्नाहजस्संतिए धम्मपयाइं सिक्खे, तस्संतिए वेणइयं पिउंजे । सक्कारए सिरसा पंजलीओ, कायग्गिरा भो मणसा वि निचं ॥१२॥
यस्यान्तिके धर्मपदानि शिक्षेत । तस्यान्तिके विनय एव वैनयिकं प्रयुञ्जीत। तथा तं कायेन शिरसा प्राञ्जलि:-शिरसि प्रकर्षण न्यस्ताञ्जलिः । गिरा-वाचा प्रियङ्करया । मनसा-भावप्रतिबन्धेन । भो-इत्यामन्त्रणे । अहो ! साधो ! भवान् सत्कारयेत्-अभ्युत्थानादिभिः सन्मानयेत् ।।
एवं च मनसि कुर्यादित्याहलज्जा दया संजम बंभचेरं, कल्लाणभागिस्स विसोहिठाणं । जे मे गुरू सययमणुसासयंति, ते हं गुरू सययं पूययामि ।।१३।।
लजा-अपवादभयरूपा । दया संयमो ब्रह्मचर्यं च । एतानि कल्याणभागिनःमोक्षार्थिनो जीवस्य । विशोधिस्थानम्-कर्ममलापनयनास्पदम् । इति मां गुरवः सततमनुशासयन्ति । तान् अहं गुरून सततं पूजयामि ।।
इतश्चैते पूज्या इत्याहजहा निसंते तवनश्चिमाली, पभासई भारहकेवलं तु । एवायरिओ सुयसीलबुद्धीए, विरायई सुरमझे व इन्द्रो ।।१४।।
यथा निशान्ते-दिने जाते । तपनर्चिमाली-सूर्यः । प्रभासते । भरतं केवलम्-परिपूर्णम् । तुशब्दाद्-अन्यच्च क्रमेण । एवमाचार्यः श्रुतेन । शीलेन-सदाचारेण। बुद्ध्या-स्वाभाविक्या युक्तया । प्रकाशयति जीवादितत्त्वानीत्यर्थः । एवं वर्तमानः सुसाधुभिः परिवृत्तो विराजते । सुराणाम्-वैमानिकानाम् । मध्ये इन्द्र इवेति ।।
Jain Education International
For Personal & Private Use Only
www.jainelibrary.org
