________________
श्रीदशवैकालिकसूत्रम्
गत्वाथ बहिरुद्याने, भुक्त्वा ते भक्तपानके । कौशाम्बं वनमियतुः ।।३३४३।।
सञ्जातौ निर्वृतौ तस्मात्, भीष्मग्रीष्मातपक्रान्तः, कृष्णस्तृष्णातुरस्तदा ।
तत्रास्थान् मृत्युनेवोक्तः, पयसे यान् बलोऽवदत् । । ३३४४ ।। तिष्ठेस्त्वमप्रमत्तोऽत्र, भ्रातर्यावदुपैम्यहम् ।
न पुण्यं नापि देवास्ते, साम्प्रतं सन्ति रक्षकाः ।। ३३४५ ।। गते रामे हरिर्मार्ग-तरोर्मूलेऽस्वपीत् तदा ।
जानू परिक्रमं न्यस्याच्छाद्य स्वं पीतवाससा । । ३३४६ ।। तत्रैवारण्यगर्भेऽथ, भ्रमन् जराकुमारकः । कृतान्तप्रेरितं इवा-भ्यागादादिष्टसर्पवत् ।।३३४७।। कृष्णं पीताम्बरच्छंन्नं, दृष्ट्वा रुक्मकुरङ्गवत् । दारुणां यमजिह्वावद्, भल्लीमाकृष्य सोऽमुचत् ।।३३४८ ।। सा कृष्णाहितलेऽविक्ष-दाक्रष्टुमिव जीवितम् । मुनेश्चिलातीपुत्रस्य, क्रमयोः कीटिका इव ।।३३४९ ।। काण्डाहतः क्रोड इव, कृष्णोऽवक् सहसोत्थितः । प्रहतोऽहमनाभाष्य, निर्मन्तुः केन जन्तुना ? ।।३३५० ।। अज्ञातकुलगोत्राख्यः, कोऽपि न प्रहतो मया । त्वमप्यात्मीयमाख्याहि, कुलं गोत्रं च नाम च ।। ३३५१ ।। द्रुमान्तरस्थः सोऽप्याह, यदुवंशसमुद्भवः । जरोदरसरोहंसः, सूनुरानकदुन्दुभेः ।। ३३५२।। नाम्ना जराकुमारोऽहं, रामदामोदराग्रजः ।
मत्तो मृत्युं हरेराख्यन्, नेम्यतोऽहमिहावसम् ।।३३५३ ।। युग्मम् ममात्र वसतो हन्त !, जाता द्वादशवत्सरी ।
अमानुषं वनमिदं, कस्त्वमत्रागतः कुतः ? ।। ३३५४ ।। कृष्णस्तमथ विज्ञाया-ऽवोचद् भ्रातरुपैहि भोः ! । सोऽहं भ्राता तवैष त्वं, यत्कृते क्लेशमन्वभूः ।। ३३५५ ।।
१. राक्षसः शूकरो वा १० टि० ।। २. अनपराधी ।।
Jain Education International
For Personal & Private Use Only
३१७
www.jainelibrary.org
