Page Text
________________
सप्तमाध्यायस्य चतुर्थः पादः ॥
२८७
[वैहीनरम्] वहीनरस्येदं = वैहीनरम् । 'तस्येदम्' (६।३।१६०) अण्प्र० → अ । अनेन अकारस्य ऐत् । 'अवर्णेवर्णस्य' (७।४।६८) अलुक् । सि-अम् । विहीनरस्य वृद्ध्या सिध्यति । वहीनरस्य वाहीनरिर्मा भूदिति वचनम् ॥छ।।
यवः पदान्तात् प्रागैदौत् ॥ ७।४।५ ॥ [य्वः] य च व् च = य्व्, तस्मात् । [पदान्तात्] पदस्यान्तः = पदान्तस्तस्मात् । [प्राक् ] प्राक् प्रथमा सि । 'अव्ययस्य' (३।२७) सिलुप् । [ऐदौत् ] ऐच्च औच्च = ऐदौत् । प्रथमा सि ।
[वैयाकरणः] व्याकरणं वेत्त्यधीते वा = वैयाकरण: । 'तद् वेत्त्यधीते' (६।२।११७) अण्प्र० → अ । अनेन यकारात् प्राक् ऐत्० → ऐ० । 'अवर्णेवर्णस्य' (७।४।६८) अलुक् ।
[नैयायिकः] न्यायं वेत्त्यधीते वा = नैयायिकः । 'न्यायादेरिकण्' (६।२।११८) इकण्प्र० → इक । अनेन यकारात् प्राक ऐत० → ऐ० । 'अवर्णेवर्णस्य' (७४/६८) अलुक् ।
[नैयासिकः] नि 'असूच क्षेपणे' (१२२१) अस् । नितरामस्यन्ते-क्षिप्यन्ते विविधप्रमेया अस्मिन्निति न्यासः । 'व्यञ्जनाद् घञ्' (५।३।१३२) घञ्प्र० → अ । 'ञ्णिति' (४।३।५०) उपान्त्यवृद्धिः आ । 'इवर्णादेरस्वे०' (१।२।२१) यत्वम् । न्यासं वेत्त्यधीते वा = नैयासिकः । 'न्यायादेरिकण्' (६।२।११८) इकण्प्र० → इक । अनेन यात् प्राक् ऐत्
आगमः , ऐ । 'अवर्णेवर्णस्य' (७४/६८) अलुक् । - [वैयसनम् ] वि 'असूच क्षेपणे' (१२२१) अस् । व्यस्यते-क्षिप्यते स्वकार्यात् प्राणी अनेनेति व्यसनम् । 'करणाऽऽधारे' (५।३।१२९) अनट्प्र० → अन । 'इवर्णादेरस्वे०' (१।२।२१) यत्वम् । व्यसने भवं = वैयसनम् । 'भवे' (६।३।१२३) अण्प्र० → अ । अनेन यात् प्राक् ऐरागमः । 'अवर्णेवर्णस्य' (७४/६८) अलुक् ।
[सौवागमिकः ] स्वागमं वेत्त्यधीते वा = सौवागमिकः । 'न्यायादेरिकण्' (६।२।११८) इकण्प्र० → इक । अनेन वात् प्राक "औ"आगमः । 'अवर्णेवर्णस्य' (७४/६८) अलुक् ।
[सौवश्विः ] स्वश्वस्यापत्यं = सौवश्विः । 'अत इज्' (६।१।३१) इप्र० → इ । अनेन वात् प्राक् "औ" आगमः । 'अवर्णेवर्णस्य' (७४।६८) अलुक् ।
[सौवश्वः ] स्वश्वस्यायं = सौवश्वः । 'तस्येदम्' (६।३।१६०) अण्प्र० → अ । अनेन वात् प्राक् "औ"आगमः । 'अवर्णेवर्णस्य' (७।४।६८) अलुक् । __ [पूर्वत्रैयलिन्दः ] पूर्वत्र्यलिन्दो नाम प्राग्ग्रामः तत्र भवः = पूर्वत्रैयलिन्दः । 'भवे' (६।३।१२३) अण्प्र० → अ । अनेन यात् प्राक् ऐकारागमः । 'अवर्णेवर्णस्य' (७।४।६८) अलुक् ।
परत्वान्नित्यत्वाच्च वृद्धेः प्रागेव सर्वत्र अनेनैदौतौ ।
[सौपर्णेयः] सुपाः सुपर्णाया वा अपत्यं = सौपर्णेयः । 'झ्याप्त्यूङः' (६।१७०) एयणप्र० → एय । 'वृद्धिः स्वरे०' (७४।१) वृद्धिः औ । 'अवर्णेवर्णस्य' (७।४।१) अवर्णस्य-इवर्णस्य च लुक् ।
Jain Education International
For Personal & Private Use Only
www.jainelibrary.org
| SR No. | 004232 |
| Book Title | Siddha Hemchandra Shabdanushasane Agyat kartuka Dhundika Part 07 |
| Original Sutra Author | N/A |
| Author | Vimalkirtivijay |
| Publisher | Kalikal Sarvagya Shri Hemchandracharya Navam Janmashatabdi Smruti Sanskar Shikshannidhi Ahmedabad |
| Publication Year | 2014 |
| Total Pages | 450 |
| Language | Hindi |
| Classification | Book_Devnagari |
| File Size | 8 MB |