________________
एक्कारसमो उद्देसओ - एकादश उद्देशक निषिद्ध पात्र निर्माण-धारण-परिभोग विषयक प्रायश्चित्त जे भिक्खू अयपायाणि वा तंबपायाणि वा तउयपायाणि सीसगपायाणि वा कंसपायाणि वा रुप्पपायाणि वा सुवण्णपायाणि वा जायरूवपायाणि वा मणिपायाणि वा काय(कणग)पायाणि वा दंतपायाणि वा सिंगपायाणि वा चम्मपायाणि वा चेलपायाणि वा सेलपायाणि वा अंकपायाणि वा संखपायाणि वा वइरपायाणि वा करेइ करेंतं वा साइजइ॥१॥
जे भिक्खू अयपायाणि वा तंबपायाणि वा तउयपायाणि सीसगपायाणि वा कंसपायाणि वा रुप्पपायाणि वा सुवण्णपायाणि वा जायरूवपायाणि वा मणिपायाणि वा कायपायाणि वा दंतपायाणि वा सिंगपायाणि वा चम्मपायाणि वा चेलपायाणि वा सेलपायाणि वा अंकपायाणि वा संखपायाणि वा वइरपायाणि वा धरेइ धरतं वा साइज्जइ॥२॥ - जे भिक्खू अयपायाणि वा तंबपायाणि वा तउयपायाणि वा सीसगपायाणि वा कंसपायाणि वा रुप्पपायाणि वा सुवण्णपायाणि वा जायरूवपायाणि वा मणिपायाणि वा कायपायाणि वा दंतपायाणि वा सिंगपायाणि वा चम्मपायाणि वा चेलपायाणि वा सेलपायाणि वा अंकपायाणि वा संखपायाणि वा वइरपायाणि वा परिभुंजइ परिभुंजंतं वा साइजइ॥३॥
जे भिक्खू अयबंधणाणि वा तंबबंधणाणि वा तउयबंधणाणि वा सीसगबंधणाणि वा कंसबंधणाणि वा रुप्पबंधणाणि वा सुवण्णबंधणाणि वा जायरूवबंधणाणि वा मणिबंधणाणि वा काय(कणग)बंधणाणि वा दंतबंधणाणि वा सिंगबंधणाणि वा चम्मबंधणाणि वा चेलबंधणाणि वा सेलबंधणाणि वा अंकबंधणाणि वा संखबंधणाणि वा वइरबंधणाणि वा करेइ करेंतं वा साइजइ॥४॥
Jain Education International
For Personal & Private Use Only
www.jainelibrary.org
