________________
तृतीय प्रतिपत्ति - चन्द्र सूर्य वर्णन
२४९
णिम्मलवाल-गंडाणं वइरामयतिक्खलट्ठ-अंकुसकुंभजुयलंतरोदियाणं तवणिजसुबद्धकच्छ-दप्पियबलुद्धराणं जंबूणयविमलघणमंडलवइरामयलीलाललिय-तालणाणा-मणिरयणघंटपासगरययामय-रज्जूबद्धलंबियघंटाजुयलमहुरसर-मणहराणं अल्लीणपमाणजुत्तवट्टियसुजायलक्खणपसत्थतवणिजवालगत्तपरिपुच्छणाणं उवचियपडिपुण्णकुम्मचलणलहुविक्कमाणं अंकामयणक्खाणं तवणिजतालुयाणं तवणिजजीहाणं तवणिजजोत्तगसुजोइयाणं कामगमाणं पीइगमाणं मणोगमाणं मणोरमाणं मणोहराणं अमियगईणं अमियबलवीरियपुरिसक्कारपरक्कमाणं महया गंभीरगुलगुलाइयरवेणं महुरेणं मणहरेणं पुरेता अंबरं दिसाओ य सोभयंता चत्तारि देवसाहस्सीओ गयरूवधारीणं देवाणं दक्खिणिल्लं बाहं परिवहंति। .. चंदविमाणस्स णं पच्चत्थिमेणं सेयाणं सुभगाणं सुप्पभाणं चंकमियललियपुलियचलचवलककुदसालीणं सण्णयपासाणं संगयपासाणं सुजायपासाणं मियमाइयपीणरइयपासाणं झसविहग-सुजायकुच्छीणं पसत्थणिद्धमधुगुलियभिसंतपिंगलक्खाणं विसालपीवरोरुपडिपुण्णविउलखंधाणं वट्टपडिपुण्णविउलकण्णपासाणं घणणिचियसुबद्धलक्खणुण्णयई-सिआणयवसभोट्ठाणं चंकमियललियपुलियचक्कवालचवलगव्वियगईणं पीवरोरुवट्टियसुसंठियकडीणं ओलंबपलंबलक्खणपमाणजुत्तपसत्थरमणिज-वालगंडाणं समखुरवालधाराणं समलिहियतिक्खग्गसिंगाणं तणुसहमसुजायणिद्धलोमच्छविधराणं उवचियमंसलविसालपडिपुण्णखुद्दपमुहसुंदराणं (खंधपएससुंदराणं) वेरुलियभिसंतकडक्खसुणिरिक्खणाणं जुत्तप्पमाणप्पहाणलक्खणपसत्थरमणिज्जगग्गरगलसोभियाणं घग्घरगसुबद्धकंठपरिमंडियाणं णाणामणिकणगरयणघंटवेयच्छग-सुकयरइय-मालियाणं वरघंटागलगलिय-सोभंतसस्सिरीयाणं पउमुप्पलभसलसुरभि-मालाविभूसियाणं वइरखुराणं विविहविखुराणं फालियामयदंताणं तवणिजजीहाणं तवणिज्जतालुयाणं तवणिजजोत्तगसुजोत्तियाणं कामगमाणं पीइगमाणं मणोगमाणं मणोरमाणं मणोहराणं अमियगईणं अमियबलवीरियपुरिसक्कारपरक्कमाणं महया गंभीरगज्जियरवेणं महुरेणं मणहरेण य पूरेता अंबरं दिसाओ य सोभयंता चत्तारि देवसाहस्सीओ वसभरूवधारीणं देवाणं पच्चथिमिल्लं बाहं परिवहंति।
Jain Education International
For Personal & Private Use Only
www.jainelibrary.org
