________________
११०
जीवाजीवाभिगम सूत्र
तिर्यंच स्त्रियों के भेद से किं तं तिरिक्खजोणिणित्थीओ? . तिरिक्खजोणिणित्थीओ तिविहाओ पण्णत्ताओ तं जहा - जलयरीओ थलयरीओ खहयरीओ।
से किं तं जलयरीओ?
जलयरीओ पंचविहाओ पण्णत्ताओ, तं जहा - मच्छीओ जाव संसुमारीओ। सेतं जलयरीओ।
से किं तं थलयरीओ? थलयरीओ दविहाओ पण्णत्ताओ, तं जहा - चउप्पईओ य परिसप्पीओ य। से किं तं चउप्पईओ? चउप्पईओ चउब्विहाओ पण्णत्ताओ तं जहा - एगखुरीओ जाव सणप्फईओ। . से किं तं परिसप्पीओ? परिसप्पीओ दुविहाओ पण्णत्ताओ, तं जहा-उरपरिसप्पीओ य भुयपरिसप्पीओ य। से किं तं उरपरिसप्पीओ?
उरपरिसप्पीओ तिविहाओ पण्णत्ताओ, तं जहा - अहीओ अयगरीओ महोरगीओ य, से तं उरपरिसप्पीओ।
से किं तं भुयपरिसप्पीओ?
भुयपरिसप्पीओ अणेगविहाओ पण्णत्ताओ तंजहा - गोहीओ*णउलीओ सेधाओ सेलीओ सरडीओ सेरंधीओ ससाओ खाराओ पंचलोइयाओ चउप्पइयाओ मूसियाओ, मंगुसियाओ घरोलियाओ गोल्हियाओ जोहियाओ विरसिरालियाओ सेत्तं भुयपरिसप्पीओ।
से किं तं खहयरीओ?
खहयरीओ चउव्विहाओ पण्णत्ताओ तं जहा - चम्मपक्खिणीओ जाव विययपक्खिणीओ, से तं खहयरीओ, से तं तिरिक्खजोणिणित्थीओ॥
* पाठान्तर-सेरडीओ सेरंधीओ गोहीओ णउलीओ सेधाओ सरडीओ सिरसंधीओ भावीओ सोवीओ, खाराओ पल्लवाइयाओ चउप्पइयाओ मूसियाओ मुगुसियाओ घरोलियाओ गोहियाओ जोहियाओ बिरचिरालियाओ।
Jain Education International
For Personal & Private Use Only
www.jainelibrary.org
