________________
३६
श्री सूयगडांग सूत्र श्रुतस्कंध २
**** *** *** माया-वुत्तिएणं धम्मेणं इओ चुए पेच्चा देवे सिया काम-भोगाण वसवत्ती, सिद्धे वा अदुक्खमसुभे एत्थ वि सिया, एत्थ वि णो सिया । से भिक्खू सद्देहिं अमुच्छिए, रूवेहिं अमुच्छिए, गंधेहिं अमुच्छिए, रसेहिं अमुच्छिए, फासेहिं अमुच्छिए, विरए कोहाओ, माणाओ, मायाओ, लोभाओ, पेग्जाओ, दोसाओ कलहाओ, अब्भक्खाणाओ, पेसुण्णणाओ, परपरिवायाओ, अरइरईओ, माया-मोसाओ, मिच्छादंसण-सल्लाओ, इइ से महओ आयाणाओ, उवसंते उवट्ठिए पडिविरए से भिक्खू ।
जे इमे तस-थावरा पाणा भवंति ते णो सयं समारंभइ, णो वा अण्णेहिं समारंभावेंति, अण्णे समारंभंते वि ण समणुजाणंति इति ते महओ आयाणाओ उवसंते उवट्ठिए पडिविरए से भिक्खू। जे इमे काम-भोगा सचित्ता वा अचित्ता वा ते णो सयं परिगिण्हंति, णो अण्णेणं परिगिण्हावेंति, अण्णं परिगिण्हतं पि ण समणुजाणंति इति से महओ आयाणाओ उवसंते उवट्ठिए पडिविरए से भिक्खू । जं पि य इमं संपराइयं कम्मं कज्जइ, णो तं सयं करेइ, णो वा अण्णेणं कारवेड़, अण्णं पि करेंतं ; ण समणुजाणइ, इति से महओ आयाणाओ उवसंते उवट्ठिए पडिविरए । से भिक्खू जाणेज्जा असणं वा ४ अस्सिं पडियाए एगं साहम्मियं समुहिस्स पाणाइं भूयाइं जीवाइं सत्ताई समारंभ समुहिस्स कीयं, पामिच्चं, अच्छिज्जं, अणिसिटुं, अभिहडं, आहटुइसियं, तं चेइयं सिया तं णो सयं भुंजइ, णो अण्णेणं भुंजावेइ, अण्णं पि भुंजंतं ण समणुजाणइ, इति से महओ आयाणाओ उवसंते उवट्ठिए पडिविरए।
से भिक्खू अह पुण एवं जाणेज्जा तं विज्जइ तेसिं परक्कमे, जस्सट्टा ते वेइयं सिया, तं जहा-अप्पणो पुत्ता इणट्ठाए, जाव आएसाए, पुढो पहेणाए, सामासाए, पायरासाए, संणिहि-संणिचओ किज्जइ, इह एएसिं माणवाणं भोयणाए, तत्थ भिक्खू परकडं, पर-णिट्ठिय-मुग्ग-मुप्पाय-णेसणा-सुद्धं, सत्थाईयं, सत्थपरि-णामियं, अविहिंसियं, एसियं, वेसियं, सामुदाणियं, पत्त-मसणं, कारणट्ठा पमाण-जुत्तं, अक्खोवंजण-वण-लेवण-भूयं, संजम-जाया-माया-वत्तियं बिल-मिव पण्णग-भूएणं, अप्पाणेणं आहारं आहरेग्जा; अण्णं अण्णकाले, पाणं पाणकाले, वत्थं वत्थकाले, लेणं लेणकाले, सयणं-सयण-काले ।
से भिक्खू मायण्णे अण्णयरं दिसं अणुदिसं वा पडिवण्णे धम्म आइक्खे,
Jain Education International
For Personal & Private Use Only
www.jainelibrary.org
