________________
२६
श्री स्थानांग सूत्र
अग्गमहिसीओ पण्णत्ताओ तंजहा - सुभा, णिसुभा, रंभा, णिरंभा, मयणा । चमरस्स णं असुरिंदस्स असुरकुमाररण्णो पंच संगामिया अणीया, पंच संगामिया अणीयाहिवई पण्णत्ता तंजहा- पायत्ताणीए, पीढाणीए, कुंजराणीए, महिसाणीए, रहाणीए । दुमे पायत्ताणीयाहिवई, सोदामी आसराया पीढाणीयाहिवई, कुंथु हत्थिराया कुंजराणीयाहिवई, लोहियक्खे महिसाणीयाहिवई, किण्णरे रहाणीयाहिवई । बलिस्स णं वइरोयणिंदस्स वइरोयणरण्णो पंच संगामिया अणीया, पंच संगामिया अणीयाहिवई पण्णत्ता तंजहा - पायत्ताणीए जाव रहाणीए । महहुमे पायत्ताणीयाहिवई, महासोदामे आसराया पीढाणीयाहिवई, मालंकरो हत्थिराया कुंजराणीयाहिवई, महालोहियक्खे महिसाणीयाहिवई, किंपुरिसे रहाणीयाहिवई ।धरणस्स णं णागकुमारिदस्स णागकुमार रण्णो पंच संगामिया अणीया, पंच संगामिया अणीयाहिवई पण्णत्ता तंजहा - पायत्ताणीए जाव रहाणीए। भइसेणे पायत्ताणीयाहिवई, जसोधरे आसराया पीढाणीयाहिवई, सुदंसणे हत्थिराया कुंजराणीयाहिवई, णीलकंठे महिसाणीयाहिबई, आणंदे रहाणीयाहिवई । भूयाणंदस्स णागकुमारिदस्स णागकुमाररण्णो पंच संगामिया अणीया, पंच संगामिया अणीयाहिवई पण्णत्ता तंजहा - पायत्ताणीए जाव रहाणीए । दक्खे पायताणीयाहिवई, सुग्गीवे आसराया पीढाणीयाहिवई, सविक्कमे हत्थिराया कुंजराणीयाहिवई, सेयकंठे महिसाणीयाहिवई णंदुत्तरे रहाणीयाहिवई। वेणुदेवस्स णं सुवणिंदस्स सुवण्णकुमाररण्णो पंच संगामिया अणीया,,पंच संगामिया अणीयाहिवई पण्णत्ता तंजहा - पायत्ताणीए जाव रहाणीए, एवं जहा धरणस्स तहा वेणुदेवस्स वि। वेणुदालियस्स जहा भूयाणंदस्स। जहा धरणस्स तहा सव्वेसिं दाहिणिल्लाणं जाव घोसस्स । जहा भूयाणंदस्स तहा सव्वेसिं उत्तरिल्लाणं जाव महाघोसस्स। ___ सक्कस्स णं देविंदस्स देवरण्णो पंच संगामिया अणीया, पंच संगामिया अणीयाहिवई पण्णत्ता तंजहा - पायत्ताणीए, पीढाणीए, कुंजराणीए, उसभाणीए, रहाणीए, हरिणेगमेसी पायत्ताणीयाहिवई, वाऊ आसराया पीढाणीयाहिवई, एरावणे हत्थिराया कुंजराणीयाहिवई, दामही उसभाणीयाहिवई, माउरो रहाणीयाहिवई । साणसणं देविंदस्स देवराणो पंच संगामिया अणीया, पंच संगामिया अणीयाहिवई पण्णत्ता तंजहा - पायत्ताणीए, पीढाणीए, कुंजराणीए, उसभाणीए, रहाणीए,
Jain Education International
For Personal & Private Use Only
www.jainelibrary.org
