________________
स्थान ९
. २७५
महापद्म चरित्र एस णं अज्जो ! सेणिए राया भिंभिसारे कालमासे कालं किच्चा इमीसे रयणप्पभाए पुढवीए सीमंतए णरए चउरासीइवासहस्स ठिइयंसि णिरयंसि णेरइयत्ताए उववज्जिहिइ. । से णं तत्थ णेरइए भविस्सइ काले कालोभासे जाव परमकिण्हे वण्णेणं, से णं तत्थ वेयणं वेइहिइ उज्जलं जाव दुरहियासं । से णं तओ णरगाओ उव्वट्टित्ता आगमीस्साए उस्सप्पिणीए इहेव जंबूद्दीवे दीवे भारहे वासे वेयड्डगिरिपायमूले पुंडेसु जणवएसु सयदुवारे णंयरे सम्मुइस्स कुलगरस्स भद्दाए भारियाए कुच्छिंसि पुमत्ताए पच्चायाहिइ । तएणं सा भद्दा भारिया णवण्हं मासाणं बहुपडिपुण्णाणं अद्धट्ठमाण य राइंदियाणं वीइक्कंताणं सुकुमाल पाणिपायं अहीणपडिपुण्ण पंचिंदियसरीरं लक्खणवंजणं जाव सुरूवं दारगं पयाहिइ । जं रयणिं च णं से दारए पयाहिइ तं रयणिं च णं,सयदुवारे णयरे । सब्भिंतरबाहिरए भारग्गसो य कुंभग्गसो य पउमवासे य रयणवासे य वासे वासिहिइ ।तएणं तस्स दारगस्स अम्मापियरो एक्कारसमे दिवसे वइक्कंते जाव बारसाहे दिवसे अयमेवारूवं गोण्णं गुणणिप्फणं णामधिज्जं काहिंति जम्हा णं अम्हं इमंस्सि दारगंति जायंसि समाणंसि सयदुवारे णयरे सब्भिंतर बाहिरए भारग्गसो य कुंभग्गसो य पउमवासे य रयणवासे य वासे वुढे तं होउ णं अम्हं इमस्स दारगस्स णाम धिज्जं महापउमे । तएणं तस्स दारगस्स अम्मापियरो णामधिज्जं काहिंति महापउमे त्ति । तएणं महापउमं दारगं अम्मापियरो साइरेगं अट्ठवासजायगं जाणित्ता महया रायाभिसेएणं अभिसिंचिहिति । से णं तत्थ राया भविस्सइ महया हिमवंत महंतमलयमंदररायवण्णओ जाव रज्जं पसाहेमाणे विहरिस्सइ ।
तएणं तस्स महापउमस्स रण्णो अण्णया कयाइ दो देवा महिड्डिया जाव महेसक्खा सेणाकम्मं काहिंति तंजहा - पुण्णभद्दे मणिभद्दे । तएणं सयदुवारे णयरे बहवे राइसरतलवरमाडंबियकोडुंबियइब्भसेट्टि सेणावइ सत्थवाहप्पभिइओ अण्णमण्णं सदाविहिंति एवं वइस्संति जम्हा णं देवाणुप्पिया ! अम्हं महापउमस्स रण्णो दो देवा महिड्डिया जाव महेसक्खा सेणाकम्मं करेंति तंजहा - पुण्णभद्दे य माणिभद्दे य तं होउ णं अम्हं देवाणुप्पिया ! महापउमस्स रण्णो दोच्चे वि णामधिज्जे देवसेणे । तएणं तस्स महापउमस्स दोच्चेवि णामधिग्जे भविस्सइ देवसेणे त्ति ।
Jain Education International
For Personal & Private Use Only
www.jainelibrary.org
