________________
२७६
श्री स्थानांग सूत्र
तएणं तस्स देवसेणस्स रण्णो अण्णया कयाइ सेयसंखतल विमलसण्णिगासे चउहते हथिरयणे समुप्पज्जिहिइ। तएणं से देवसेणे राया तं सेयं संखतलविमलसण्णिगासं चउइंतं हत्थिरयणं दुरूढे समाणे सयदुवारं णयरं मग्झूमझेणं अभिक्खणं अभिक्खणं अइज्जाहि य णिज्जाहि य । तएणं सयदुवारे णयरे बहवे राइसरतलवर जाव अण्णमण्णं सहाविहिंति एवं वइस्संति जम्हा णं देवाणुप्पिया अम्हं देवसेणस्स रण्णो सेए संखतलविमल सण्णिगासे चउहते हत्थिरयणे समुप्पण्णे, तं होउ णं अहं देवाणुप्पिया ! देवसेणस्स रण्णो तच्चे वि णामधिजे विमलवाहणे । तएणं तस्स देवसेणस्स रण्णो तच्चे विणामधिजे भविस्सइ विमलवाहणे। ____तएणं से विमलवाहणे राया तीसं वासाइं अगारवासमझे वसित्ता अम्मापिईहिं देवत्तगएहिं गुरुमहत्तरेहिं अब्भणुण्णाए समाणे उउम्मि सरए संबुद्धे अणुत्तरे मोक्खमग्गे पुणरवि लोगंतिएहिं जीय कप्पिएहिं देवेहिं ताहिं इट्ठाहिं कंताहिं पियाहिं मणुण्णाहिं मणामाहिं उरालाहिं कल्लाणाहिं धण्णाहिं सिवाहि मंगलाहिं सस्सिरीअहिं वग्गूहिं अभिणंदिजमाणे अभिथुवमाणे संबोहणाहिं संबोहिए य बहिया सुभूमिभागे उग्जाणे एगं देवदूसं आयाय मुंडे भवित्ता अगाराओ अणगारियं पव्वयाहिह।
तस्स णं भगवंतस्स साइरेगाई दुवालसवासाइं णिच्चं वोसट्टकाए चियत्तदेहे । से णं भगवं जं चेव दिवसं मुंडे भवित्ता जाव पव्वयाहिइ तं चेव दिवसं अयमेवानवं अभिग्गहं अभिगिहिइ - जे केइ उवसग्गा उप्पजति तंजहा - दिव्या वा माणुस्सा वा तिरिक्खजोणिया वा ते उप्पण्णे सम्मं सहिस्सइ खमिस्सइ तितिक्खिस्सइ अहियासिस्सइ। तएणं से भगवं ईरियासमिए भासासमिए जाव गुत्तबंभयारी अममे अकिंचणे छिण्णगंथे णिरुवलेवे कंसपाईव मुक्कतोए जहा भावणाए जाव सुहुयहुयासणे इव तेयसा जलंते।
कंसे संखे जीवे गगणे वाए व सारए सलिले ।
पुक्खरपत्ते कुम्मे विहगे खग्गे य भारंडे ॥ १ ॥ . कुंजर वसहे सीहे, णगराया चेव सागरमखोभे ।
चंदे सूरे कणगे वसुंधरा चेव सुहुय हुए ॥ २ ॥ त्थि णं तस्स भगवंतस्स कत्था पडिबंधे भवइ । से य पडिबंधे चउविहे
Jain Education International
For Personal & Private Use Only
www.jainelibrary.org
