________________
स्थान ४ उद्देशक २
३४५ 000000000000000000000000000000000000000000000000000 चत्तारि तिसोवाणपडिरूवगा पण्णत्ता । तेसिणं तिसोवाणपडिरूवगाणं पुरओ चत्तारि तोरणा पण्णत्ता तंजहा - पुरच्छिमेणं दाहिणेणं पच्चत्थिमेणं उत्तरेणं । तासि णं पुक्खरणीणं पत्तेयं पत्तेयं चउद्दिसिं चत्तारिवणसंडा पण्णत्ता तंजहा - पुरओ, दाहिणओ, पच्चत्थिमेणं, उत्तरेणं ।
__ पुट्वेणं असोगवणं, दाहिणओ होइ सत्तवण्णवणं ।
अवरेणं चंपगवणं, चूयवणं उत्तरे पासे ॥ तासिणं पुक्खरणीणं बहुमज्झदेसभाए चत्तारि दहिमुहगपव्वया पण्णत्ता । ते णं दहिमुहगपव्वया चउसद्धिं जोयणसहस्साइं उड्डे उच्चत्तेणं एगं जोयणसहस्सं उव्वेहेणं सव्वत्थ समा पल्लगसंठाणसंठिया दस जोयणसहस्साई विक्खंभेणं इक्कतीसं जोयणसहस्साई छच्च तेवीसे जोयणसए परिक्खेवेणं, सव्वरयणामया अच्छा जाव पडिरूवा । तेसि णं दहिंमुहग पव्ययाणं उवरि बहुसमरमणिज्जा भूमिभागा पण्णत्ता, सेसं जहेव अंजणगपव्वयाणं तहेव णिरवसेसं भाणियव्वं जाव चूयवणं उत्तरे पासे । तत्थ णं जे से दाहिणिल्ले अंजणगपव्वए तस्स णं चउद्दिसिंचत्तारिणंदाओ पुक्खरणीओ पण्णत्ताओ तंजहा - भद्दा, विसाला, कुमुया, पोंडरिगिणी । ताओ णंदाओ पुक्खरणीओ एगं जोयणसयसहस्सं सेसं तं चेव जाव दहिमुहगपव्वया जाव वणसंडा । तत्थ णं जे से पच्चथिमिल्ले अंजणगपव्वए तस्सणं चउद्दिसिं चत्तारि णंदाओ पुक्खरणीओ पण्णत्ताओ तंजहा - णंदिसेणा, अमोहा, गोथूभा, सुदंसणा, सेसं तं चेव, तहेव दहिमुहगपव्वया तहेव सिद्धाययणा जाव वणसंडा । तत्थ णं जे से उत्तरिल्ले अंजणगपव्वए तस्स णं चउद्दिसिं चत्तारि णंदाओ पुक्खरणीओ पण्णत्ताओ तंजहा - विजया, वेजयंती, जयंती, अपराजिया । ताओ णं पुक्खरणीओ एगंजोयणसयसहस्सं तं चेव पमाणं तहेव दहिमुहगपव्वया तहेव सिद्धाययणा जाव वणसंडा ।णंदीसरवरस्स णं दीवस्स चक्खवाल विक्खंभस्स बहुमज्झदेसभाए चउसु विदिसासु चत्तारि रइकरगपव्वया पण्णत्ता तंजहा - उत्तरपुरच्छिमिल्ले रइकरगपव्वए, दाहिणपुरच्छिमिल्ले रइकरगपव्वए, दाहिण पच्चस्थिमिल्ले रइकरगपव्वए, उत्तरपच्चथिमिल्ले रइकरगपव्वए। ते णं रइकरगपव्यया दस जोयणसयाई उड्डे उच्चत्तेणं दस गाउयसयाई उव्वेहेणं
Jain Education International
For Personal & Private Use Only
www.jainelibrary.org
