________________
३४४
श्री स्थानांग सूत्र 000000000000000000000000000000000000000000000000000 तेसु णं दारेसु चउव्विहा देवा परिवसंति तंजहा - देवा असुरा णागा सुवण्णा । तेसि णं दाराणं पुरुओ चत्तारि मुहमंडवा पण्णत्ता। तेसि णं मुहमंडवाणं पुरओ चत्तारि पेच्छाघरमंडवा पण्णत्ता । तेसि णं पेच्छाघरमंडवाणं बहुमज्झदेसभाए चत्तारि वइरामया अक्खाडगा पण्णत्ता । तेसिणं वइरामयाणं अक्खाडगाणं बहुमज्झदेसभाए चत्तारि , मणिपेढियाओ पण्णत्ताओ । तासि णं मणिपेढियाणं उवरिं चत्तारि सीहासणा पण्णत्ता। तेसि णं सीहासणाणं उवरि चत्तारि विजयदूसा पण्णत्ता । तेसि णं विजयदूसगाणं बहुमज्झदेसभाए चत्तारि वइरामया अंकुसा पण्णत्ता । तेसु णं वइरामएसु अंकुसेसु चत्तारि कुंभिका मुत्तादामा पण्णत्ता । ते णं कुंभिका मुत्तादामा पत्तेयं पत्तेयं अण्णेहिं तयद्धउच्चत्तपमाणमित्तेहिं चउहिं अद्धकुंभिएहिं मुत्तादामेहिं सव्वओ समंता संपरिक्खित्ता। तेसि णं पेच्छाघरमंडवाणं पुरओ चत्तारि मणिपेढियाओ पण्णत्ताओ। तासिणं मणिपेढियाणं उवरि चत्तारि चत्तारि चेइयथूभा पण्णत्ता । तेसिणं चेइयथूभाणं पत्तेयं पत्तेयं चउद्दिसिं चत्तारि मणिपेढियाओ पण्णत्ताओ । तासि णं मणिपेढियाणं उवरि चत्तारि जिणपडिमाओ सव्वरयणामइयाओ सपलियंकणिसण्णाओ थूभाभिमुहाओ चिटुंति, तंजहा-रिसभा वद्धमाणा चंदाणणा, वारिसेणा । तेसिणं चेइयथूभाणं पुरओ चत्तारि मणिपेढियाओ पण्णत्ताओ। तासिणं मणिपेढियाणं उवरि चत्तारि चेइयरुक्खा पण्णत्ता । तेसिणं चेइयरुक्खाणं पुरओ चत्तारि मणिपेढियाओ पण्णत्ताओ। तासि णं मणिपेढियाणं उवरिं चत्तारि महिंदज्झया पण्णत्ता । तेसि णं महिंदझयाणं पुरओ चत्तारि णंदाओ पुक्खरणीओ पण्णत्ताओ । तासिणं पुक्खरणीणं पत्तेयं पत्तेयं चउद्दिसिं चत्तारिवणसंडा पण्णत्ता तंजहा - पुरच्छिमेणं, दाहिणेणं, पच्चत्थिमेणं, उत्तरेणं ।
पुवेणं असोगवणं, दाहिणओ होइ सत्तवण्णवणं ।
अवरेणं चंपगवणं, चूयवणं उत्तरे पासे ॥ १ ॥ तत्थ णं जे से पुरच्छिमिल्ले अंजणगपव्वए तस्स णं चउद्दिसिं चत्तारि णंदाओ पुक्खरणीओ पण्णत्ताओ तंजहा - णंदुत्तरा, णंदा, आणंदा, णंदिवद्धणा । ताओ णंदाओ पुक्खरणीओ एगं जोयणसयसहस्सं आयामेणं पण्णासं जोयणसहस्साइं विक्खंभेणं दस जोयणसयाई उव्वेहेणं । तासिणं पुक्खरणीणं पत्तेयं पत्तेयं चउदिसिं
Jain Education International
For Personal & Private Use Only
www.jainelibrary.org
