________________
ज्योतिष्क देवों की स्थिति
जोइसियदेवीणं भंते! केवइयं कालं ठिई पण्णत्ता ?
गोयमा! जहणेणं अट्ठभागपलिओवमं, उक्कोसेणं अद्धपलिओवमं पण्णासाए वाससहस्सेहिं अब्भहियं ।
चंदविमाणाणं भंते! देवाणं केवइयं कालं ठिई पण्णत्ता ?
गोयमा ! जहणणेणं चउभागपलिओवमं, उक्कोसेणं पलिओवमं वाससयसहस्समब्भहियं ।
चंदविमाणाणं भंते! देवीणं पुच्छा ।
गोयमा! जहण्णेणं चउभागपलिओवमं, उक्कोसेणं अद्धपलिओवमं पण्णासाए वाससहस्सेहिं अब्भहियं ।
३४७
सूरविमाणाणं भंते! देवाणं पुच्छा ।
गोयमा ! जहण्णेणं चउभागपलिओवमं, उक्कोसेणं पलिओवमं वाससहस्समब्भहियं ।
सूरविमाणाणं देवीणं पुच्छा ।
गोयमा! जहणणेणं चउभागपलिओवमं, उक्कोसेणं अद्धपलिओवमं पंचहिं वाससएहिं अब्भहियं।
गहविमाणाणं भंते! देवाणं केवइयं कालं ठिई पण्णत्ता ?
गोयमा ! जहणणेणं चउभागपलिओवमं, उक्कोसेणं पलिओवमं ।
गहविमाणाणं भंते! देवीणं पुच्छा ।
गोयमा! जहण्णेणं चउभागपलिओवमं, उक्कोसेणं अद्धपलिओवमं । णक्खत्तविमाणाणं भंते! देवाणं पुच्छा ।
गोयमा! जहण्णेणं चउभागपलिओवमं, उक्कोसेणं अद्धपलिओवमं ।
णक्खत्तविमाणाणं देवीणं पुच्छा ।
गोयमा! जहण्णेणं चउभागपलिओवमं, उक्कोसेणं साइरेगं चउभागपलिओवमं । ताराविमाणाणं भंते! देवाणं पुच्छा ।
Jain Education International
For Personal & Private Use Only
www.jainelibrary.org
