________________
समवाय८
३५
आठवां समवाय अट्ठ मयट्ठाणा पण्णत्ता तंजहा-जाइमए कुलमए बलमए रूवमए तवमए सुयमए लाभमए इस्सरियमए। अट्ठ पवयण मायाओ पण्णत्ताओ तंजहा-इरियासमिई भासासमिई एसणासमिई आयाणभंडमत्तणिक्खेवणासमिई उच्चारपासवणखेलसिंघाणजल्ल पारिट्ठावणियासमिई, मणगुत्ती वयगुत्ती कायगुत्ती । वाणमंतराणं देवाणं चेइय रुक्खा अट्ठ जोयणाई उड्डूं उच्चत्तेणं पण्णत्ता। जंबू णं सुदंसणा अट्ठ जोयणाई उड्ढे उच्चत्तेणं पण्णत्ता। कूडसामली णं गरुलावासे अट्ठ जोयणाई उड्डे उच्चत्तेणं पण्णत्ता। जंबूहीवस्स णं जगई अट्ठ जोयणाई उड्डे उच्चत्तेणं पण्णत्ता। अट्ठ सामइए केवलि समुग्घाए पण्णत्ते तंजहा - पढमे समए दंडं करेइ, बीए समए कवाडं करेइ, तइए समए मंथं करेइ, चउत्थे समए मंथंतराइं पूरेइ, पंचमे समए मंथंतराइं पडिसाहरइ, छटे समए मंथं पडिसाहरइ, सत्तमे समए कवाडं पडिसाहरइ, अट्ठमे समए दंडं पडिसाहरइ, तओ पच्छा सरीरत्थे भवइ। पासस्स णं अरहओ पुरिसादाणियस्स अट्ठ गणा अट्ठ गणहरा होत्था तंजहा - .
सुभे य सुभघोसे य, वसिटे बंभयारि य।
. सोमे सिरिधरे चेव, वीरभद्दे जसे इय॥ __ अट्ट, णक्खत्ता चंदेणं सद्धिं पमई जोगं जोएंति तंजहा-कत्तिया, रोहिणी, पुणव्वसू, महा, चित्ता, विसाहा, अणुराहा, जेट्ठा । इमीसे णं रयणप्पभाए पुढवीए अत्थेगइयाणं णेरइयाणं अट्ठ पलिओवमाई ठिई पण्णत्ता। चउत्थीए पुढवीए अत्थेगइयाणं रइयाणं अट्ठ सागरोवमाई ठिई पण्णत्ता। असुरकुमाराणं देवाणं अत्थेगइयाणं अट्ठ पलिओवमाई ठिई पण्णत्ता। सोहम्मीसाणेसु कप्पेसु अत्थेगइयाणं देवाणं अट्ठ पलिओवमाइं ठिई पण्णत्ता। बंभलोए कप्पे अत्गइयाणं देवाणं अट्ठ सागरोवमाइं ठिई पण्णत्ता। जे देवा अच्चिं अच्चिमालिं वइरोयणं पभंकरं चंदाभं सूराभं सुपइट्टाभं अग्गिच्चाभं रिट्ठाभं अरुणाभं अरुणोत्तरवडिंसगं विमाणं देवत्ताए उववण्णा तेसिं णं देवाणं उक्कोसेणं अट्ठ सागरोवमाइं ठिई पण्णत्ता। ते णं देवा अट्ठण्हं अद्धमासाणं (अट्ठहिं अद्धमासेहिं) आणमंति वा पाणमंति वा ऊससंति वा
Jain Education International
For Personal & Private Use Only
www.jainelibrary.org
