________________
१५६
समवायांग सूत्र
बत्तीसवां समवाय बत्तीसं जोगसंग्गहा पण्णत्ता तंजहा -
आलोयण णिरवलावे, आवइसु दढधम्मया। अणिस्सिओवहाणे य, सिक्खा णिप्पडिकम्मया ॥१॥ अण्णायया अलोभे य, तितिक्खा अज्जवे सुई । . सम्मदिट्ठी समाही य, आयारे विणओवए ॥ २ ॥ धिइमई य संवेगे, पणिही सुविही संवरे । अत्तदोसोवसंहारे, सव्वकाम विरत्तया ॥ ३ ॥ पच्चक्खाणे विउस्सग्गे, अप्पमाए लवालवे । झाण संवर जोगे य, उदए मारणंतिए ॥ ४ ॥ संगाणं च परिणाया, पायच्छित्त करणे वि य।
आराहणा य मरणंते, बत्तीसं जोगसंग्गहा ॥ ५ ॥ बत्तीसं देविंदा पण्णत्ता तंजहा - चमरे, बली, धरणे, भूयाणंदे, जाव घोसे, महाघोसे, चंदे, सूरे, सक्के, ईसाणे, सणंकुमारे जाव पाणए, अच्चुए । कुंथुस्स णं अरहओ बत्तीसहिया बत्तीसं जिणसया होत्था। सोहम्मे कप्पे बत्तीसं विमाणावाससयसहस्सा पण्णत्ता। रेवईणक्खत्ते बत्तीसइ तारे पण्णत्ते । बत्तीसइविहे णट्टे पण्णत्ते । इमीसे णं रयणप्पभाए पुढवीए अत्थेगइयाणं णेरइयाणं बत्तीसं पलिओवमाई ठिई पण्णत्ता। अहेसत्तमाए पुढवीए अत्थेगइयाणं णेरइयाणं बत्तीसं सागरोवमाई ठिई पण्णत्ता। असुरकुमाराणं देवाणं अत्थेगइयाणं बत्तीसं पलिओवमाइं ठिई पण्णत्ता। सोहम्मीसाणेसु कप्पेसु अत्थेगइयाणं देवाणं बत्तीसं पलिओवमाई ठिई पण्णत्ता। जे देवा विजय वेजयंत जयंत अपराजिय विमाणेसु देवत्ताए उववण्णा तेसिणं देवाणं अत्थेगइयाणं बत्तीसं सागरोवमाइं ठिई पण्णत्ता। ते णं देवा बत्तीसेहिं अद्धमासेहिं आणमंति वा पाणमंति वा उस्ससंति वा णीससंति वा। तेसिणं देवाणं बत्तीसेहिं वाससहस्सेहिं आहारटे समुप्पज्जइ। संतेगइया भवसिद्धिया जीवा जे बत्तीसेहिं भवग्गहणेहिं सिज्झिस्संति बुझिस्संति जाव सव्वदुक्खाणमंतं करिस्संति ॥ ३२ ॥ ____ कठिन शब्दार्थ - जोगसंग्गहा - योग संग्रह, हिरवलावे - निरपलाप, आवइसु
Jain Education International
For Personal & Private Use Only
www.jainelibrary.org
