________________
४४
जम्बूद्वीप प्रज्ञप्ति सूत्र
तीसे णं समाए भरहे वासे बहवे उद्दाला कुद्दाला मुद्दाला कयमाला णमाला दंतमाला णागमाला सिंगमाला संखमाला सेयमाला णामं दुमगणा पण्णत्ता, कुसविकुसविसुद्धरुक्खमूला, मूलमंतो, कंदमंतो, बीयमंतो, पत्तेहि य पुप्फेहि य फलेहि य उच्छण्णपडिच्छण्णा सिरीए अईव २ उवसोभेमाणा चिटुंति।
तीसे णं समाए भरहे वासे तत्थ तत्थ बहवे भेरुतालवणाई हेरुतालवणाई मेरुतालवणाई पभयालवणाई सालवणाई सरलवणाई सत्तिवण्णवणाई पूयफलिवणाई खज्जूरीवणाई णालिएरीवणाई कुसविकुसविसुद्धरुक्खमूलाई जाव चिट्ठति।
तीसे णं समाए भरहे वासे तत्थ तत्थ बहवे सेरियागुम्मा णोमालियागुम्मा कोरंटयगुम्मा बंधुजीवगगुम्मा मणोज्जगुम्मा बीयगुम्मा बाणगुम्मा कणइरगुम्मा कुजायगुम्मा सिंदुवारगुम्मा मोग्गरगुम्मा जूहियागुम्मा मल्लियागुम्मा वासंतियागुम्मा बत्थुलगुम्मा कत्थुलगुम्मा सेवालगुम्मा अगत्थिगुम्मा मगदंतियागुम्मा चंपकगुम्मा जाइगुम्मा णवणीइयागुम्मा कुंदगुम्मा महाजाइगुम्मा रम्मा महामेहणिकुरंबभूया दसवण्णं कुसुमं कुसुमेंति, जे णं भरहे वासे बहुसमरमणिजं भूमिभागं वायविधुपग्गसाला मुक्कपुप्फपुंजोवयारकलियं करेंति।
तीसे र्ण समाए भरहे वासे तत्थ तत्थ तहिं तहिं बहुईओ पउमलयाओ जाव सामलयाओ णिचं कुसुमियाओ, जाव लयावण्णओ।
तीसे णं समाए भरहे वासे तत्थ तत्थ तहिं तहिं बहुईओ वणराईओ पण्णत्ताओकिण्हाओ, किण्होभासाओ जाव मणोहराओ, रयमत्तगछप्पयकोरंग-भिंगारगकोंडलग-जीबंजीवग-गंदीमुह-कविल-पिंगलक्खग-कारंडव-चक्कवायगकलहंस-हंस-सारम-अणेगसड़णगण-मिहुणविअरिआओ, सदुण्ण-इयमहुरसरणगाडयाओ, संघिडियदरियभमरमहुयरिपहकरपरिलिंतमत्त-छप्पयकुसुमासवलोलमहुरगुमगुमंतगुंजंतदेसभागाओ, अभितरपुप्फ-फलाओ, बाहिरपत्तोच्छण्णाओ, पत्तेहियपुप्फेहियओच्छण्णवलिच्छत्ताओ, साउफलाओ, णिरोययाओ, अकंटयाओ,
Jain Education International
For Personal & Private Use Only
www.jainelibrary.org
