________________
४२६
जम्बूद्वीप प्रज्ञप्ति सूत्र
गोयमा! दुवालसविहे पण्णत्ते, तं०-सावणे भद्दवए आसोए जाव आसाढे, जं वा विहप्फई महंग्गहे दुवालसेहिं संवच्छरेहिं सव्वणक्खत्त मण्डलं समाणेइ सेत्तं णक्खत्तसंवच्छरे।
जुगसंवच्छरे णं भंते! कइविहे पण्णत्ते? गोयमा! पंचविहे पण्णत्ते, तंजहा-चंदे चंदे अभिवड्डिए चंदे अभिवड्डिए चेवेति, पढमस्स णं भंते! चंदसंवच्छरस्स कइ पव्वा पण्णत्ता?
गोयमा! चउव्वीसं पव्वा पण्णत्ता। बिइयस्स णं भंते! चंदसंवच्छरस्स कइ पव्वा पण्णत्ता? गोयमा! चउव्वीसं पव्वा पण्णत्ता। एवं पुच्छा तइयस्स।
गोयमा! अभिवड्डिय संवच्छरस्स छव्वीसं पव्वा पण्णत्ता, चउत्थस्स० चंदसंवच्छरस्स० चोव्वीसं पव्वा०, पंचमस्स गं० अभिवडियस्स० छव्वीसं पव्वा पण्णत्ता, एवामेव सपुव्वावरेणं पंचसंवच्छरिए जुए एगे चउव्वीसे पव्वसए पण्णत्ते, सेत्तं जुगसंवच्छरे।
पमाणसंवच्छरे णं भंते! कइविहे पण्णत्ते? .
गोयमा! पंचविहे पण्णत्ते, तंजहा-णक्खत्ते चंदे उऊ आइच्चे अभिवहिए, सेत्तं पमाणसंवच्छरे।
लक्खणसंवच्छरे णं भंते! कइविहे पण्णत्ते? गोयमा! पंचविहे पण्णत्ते, तंजहा"समयं णक्खत्ता जोगं, जोयंति समयं उऊ परिणमंति। णच्चुण्ह णाइसीओ, बहूदओ होइ णखत्ते॥१॥ ससि समगपुण्णमासिं जोएंति विसमचारिणक्खत्ता। कडुओ बहूदओ य, तमाहु संवच्छरं चंदं॥२॥ .
Jain Education International
For Personal & Private Use Only
www.jainelibrary.org
