________________
चतुर्थ वक्षस्कार - जंबू पीठ एवं जंबू सुदर्शना
२६६
दो जोयणाई उव्वेहेणं मूले अट्ठ जोयणाई आयामविक्खम्भेणं बहुमज्झदेसभाए छ जोयणाई आयामविक्खम्भेणं उरि चत्तारि जोयणाई आयाम-विक्खम्भेणं
पणवीसट्ठारस बारसेव मूले य मज्झि उवरिं च। सविसेसाइं परिरओ कूडस्स इमस्स बोद्धव्वो॥१॥
मूले विच्छिण्णे मज्झे संखित्ते उवरिं तणुए सव्व-कणगामए अच्छे० वेइयावणसंडवण्णओ, एवं सेसावि कूडा इति।
जम्बूए णं सुदंसणाए दुवालस णामधेज्जा पण्णत्ता, तंजहासुदंसणा १ अमोहा २ य, सुप्पबुद्धा ३ जसोहरा ४। विदेहजम्बू ५ सोमणसा ६, णियया ७ णिच्चमंडिया ८॥१॥ सुभद्दा य ६ विसाला य १०, सुजाया ११ सुमणा १२ विया। सुदंसणाए जम्बूए, णामधेजा दुवालस॥२॥ जम्बूए णं० अट्ठमंगलगा। से केणटेणं भंते! एवं वुच्चइ-जम्बू सुदंसणा २? -
गोयमा! जम्बूए णं सुदंसणाए अणाढिए णामं देवे जम्बूद्दीवाहिवई परिवसइ महिड्डिए०, से णं तत्थ चउण्हं सामाणियसाहस्सीणं जाव आयरक्ख-देवसाहस्सीणं जम्बुद्दीवस्स णं दीवस्स जम्बूए सुदंसणाए अणाढियाए रायहाणीए अण्णेसिं च बहूणं देवाण य देवीण य जाव विहरइ, से तेणटेणं गोयमा! एवं वुच्चइ०, अदुत्तरं च णं गोयमा! जम्बूसुदंसणा जाव भुविं च ३ धुवा णियया सासया अक्खया जाव अवट्ठिया।
कहि णं भंते! अणाढियस्स देवस्स अणाढिया णामं रायहाणी पण्णत्ता?
गोयमा! जम्बुद्दीवे २ मंदरस्स पव्वयस्स उत्तरेणं जं चेव पुव्वणियं जमिगापमाणं तं चेव णेयव्वं जाव उववाओ अभिसेओ य णिरवसेसोत्ति।
से केणटेणं भंते! एवं वुच्चइ-उत्तरकुरा २?
Jain Education International
For Personal & Private Use Only
www.jainelibrary.org
