________________
२६८
जम्बूद्वीप प्रज्ञप्ति सूत्र
संपरिक्खित्ता, जम्बूए णं सुंदसणाए उत्तरपुरस्थिमेमं उत्तरेणं उत्तरपच्चत्थिमेणं एत्थ णं अणाढियस्स देवस्स चउण्हं सामाणियसाहस्सीणं चत्तारि जम्बूसाहस्सीओ पण्णताओ, तीसे णं पुरत्थिमेणं चउण्हं अग्गमहिसीणं चत्तारि जम्बूओ पण्णत्ताओ,-
... . दाहिणपुरत्थिमे दक्खिणेण तह अवरदक्खिणेणं च। अट्ठ दस बारसेव य भवंति जम्बूसहस्साइं॥१॥ अणियाहिवाण पचत्थिमेण सत्तेव होंति जम्बूओ। सोलस साहस्सीओ चउद्दिसिं आयरक्खाणं॥२॥
जम्बूए णं० तिहिं सइएहिं वणसंडेहिं सव्वओ समंता संपरिक्खित्ता, जम्बूए णं० पुरत्थिमेणं पण्णासं जोयणाइं पढमं वणसंडं ओगाहित्ता एत्थ णं भवणे पण्णत्ते कोसं आयामेणं सो चेव वण्णओ सयणिजं च, एवं सेसासु विदिसासु भवणा, जम्बूए णं० उत्तरपुरस्थिमेणं पढमं वणसण्डं पण्णासं जोयणाई ओगाहित्ता एत्थ णं चत्तारि पुक्खरिणीओ पण्णत्ताओ, तंजहा-पउमा १ पउमप्यभा २ कुमुया ३ कुमुयप्पभा ४ ताओ णं कोसं आयामेणं अद्धकोसं विक्खम्भेणं पंचधणुसयाई उव्वेहेणं वण्णओ, तासि णं मज्झे पासायवडेंसगा कोसं आयामेणं अद्धकोसं विक्खम्भेणं देसूर्ण कोसं उद्धं उच्चत्तेणं वण्णओ सीहासणा सपरिवारा, एवं सेसासु विदिसासु गाहा - पउमा पउमप्पभा चेव, कुमुया कुमुयप्पहा।
उप्पलगुम्मा णलिणा, उप्पला उप्पलुजला॥१॥ भिंगा भिंगप्पभा चेव, अंजणा कज्जलप्पभा।
सिरिकंता सिरिमहिया, सिरिचंदा चेव सिरिणिलया॥२॥ जम्बूए णं पुरथिमिल्लस्स भवणस्स उत्तरेणं उत्तरपुरथिमिल्लस्स पासायवडेंसगस्स दक्खिणेणं एत्थ णं कूडे पण्णत्ते अट्ठ जोयणाई उड्ढे उच्चत्तेणं
Jain Education International
For Personal & Private Use Only
www.jainelibrary.org
