________________
तृतीय वक्षस्कार - राजतिलक
१६६
राजतिलक
(८४) तए णं तस्स भरहस्स रण्णो अण्णया कयाइ रज्जधुरं चिंतेमाणस्स इमेयारूवे जाव समुप्पजित्था-अभिजिए णं मए णियगबलवीरिय-पुरिसकारपरक्कमेण चुल्लहिमवंतगिरिसागरमेराए केवलकप्पे भरहे वासे तं सेयं खलु मे अप्पाणं महया २ रायाभिसेएणं अभिसेएणं अभिसिंचावित्तएत्तिकटु एवं संपेहेइ २त्ताकल्लंपाउप्पभायाए जावजलंतेजेणेवमजणघरेजावपडिणिक्खमइ २ ताजेणेव बाहिरिया उवट्ठाणसाला जेणेव सीहासणे तेणेव उवागच्छइ २ ता सीहासणवरगए पुरत्थाभिमुहे णिसीयइ, णिसीइत्ता सोलस देवसहस्से बत्तीसं रायवरसहस्से सेणावइरयणे जाव पुरोहियरयणे तिण्णि सढे सूयसए अट्ठारस सेणिप्पसेणीओ अण्णे य बहवे राईसरतलवर जाव सत्थवाहप्पभियओ सद्दावेइ २ ता एवं वयासी- अभिजिए णं देवाणुप्पिया! मए णियगबलवीरिय जाव केवलकप्पे भरहे वासे तं तुब्भे णं देवाणुप्पिया! ममं महया रायाभिसेयं वियरह, तए णं ते सोलस देवसहस्सा जावप्पभिइओ भरहेणं रण्णा एवं वुत्ता समाणा हट्ठतुट्ठ० करयल० मत्थए अंजलिं कट्ट भरहस्स रण्णो एयमटुं सम्म विणएणं पडिसुणेति, तए णं से भरहे राया जेणेव पोसहसाला तेणेव उवागच्छइ उवागच्छित्ता जाव अट्ठमभत्तिए पडिजागरमाणे २ विहरइ।
तए णं से भरहे राया अट्ठमभत्तंसि परिणममाणंसि आभिओगिए देवे सहावेइ २त्ता एवं वयासी - खिप्पामेव भो देवाणुप्पिया! विणीयाए रायहाणीए उत्तरपुरस्थिमे दिसीभाए एगं महं अभिसेयमंडवं विउव्वेह २ त्ता मम एयमाणत्तियं पच्चप्पिणह, तए णं ते आभिओगा देवा भरहेणं रण्णा एवं वुत्ता समाणा हट्ठतुट्ठ जाव एवं सामित्ति आणाए विणएणं वयणं पडिसुणेति, पडिसुणित्ता विणीयाए रायहाणीए उत्तरपुरत्थिमं दिसीभागं अवक्कमंति २ ता वेउब्वियसमुग्याएणं समोहणंति २ ता संखिज्जाइं जोयणाई दंडं णिसिरंति, तंजहा- रयणाणं जाव
Jain Education International
For Personal & Private Use Only
www.jainelibrary.org
