________________
१६४ 2-0-0-0-0-00-00-00-00-00-00-00-00-00-00-00-0-0-00-00-9-2---2-10-08-0-0-0-0-0-0-12-2-9-9-10-02-12-2-2
................ जम्बूद्वीप प्रज्ञप्ति सूत्र
णागाणं बहूई पुव्वसयसहस्साई बहुईओ पुव्वकोडिओ बहुईओ पुव्वकोडाकोडीओ विणीयाए रायहाणीए चुल्लहिमवंत-गिरिसागरमेरागस्स य केवलकप्पस्स भरहस्स वासस्स गामागर-णगर-खेड-कब्बड-मडंब-दोणमुह-पट्टणासम-सण्णिवेसेसु सम्मं पयापाल-णोवज्जियलद्धजसे महया जाव आहेवच्चं पोरेवच्चं जाव विहराहित्तिकट्ट जयजयसई पउंजंति, तए णं से भरहे राया णयणमालासहस्सेहिं पिच्छिज्जमाणे २ वयणमाला-सहस्सेहिं अभिथुव्वमाणे २ हिययमालासहस्सेहि उण्णंदिजमाणे २ मणोरहमाला-सहस्सेहिं विच्छिप्पमाणे २ कंतिरूवसोहम्गगुणेहिं पिच्छिज्जमाणे २ अंगुलिमाला-सहस्सेहिं दाइज्जमाणे २ दाहिणहत्थेणं बहूणं णरणारीसहस्साणं अंजलिमाला-सहस्साई पडिच्छमाणे २ भवणपंतीसहस्साई समइच्छमाणे २ तंतीतलतुडियगीय-वाइयरवेणं महुरेणं मणहरेणं मंजुमंजुणा घोसेणं पडिबुज्झमाणे २ जेणेव सए गिहे जेणेव सए भवणवरवडिंसयदुवारे तेणेव उवागच्छइ २ ता आभिसेक्कं हत्थिरयणं ठवेइ २ त्ता आभिसेक्काओ हत्थिरयणाओ पच्चोरुहइ २ ता सोलस देवसहस्से सक्कारेइ सम्माणेइ स० २ त्ता बत्तीसं रायसहस्से सक्कारेइ सम्माणेइ स० २ त्ता सेणावइरयणं सक्कारेइ सम्माणेइ स० २ त्ता एवं गाहावइरयणं वड्डइरयणं पुरोहिय-रयणं सक्कारेइ सम्माणेइ स० २ ता तिण्णि सट्टे सूयसए सक्कारेइ सम्माणेइ स० २ ता अट्ठारस्स सेणिप्पसेणीओ सक्कारेइ सम्माणेइ स० २ त्ता अण्णेवि बहवे राईसर जाव सत्थवाहप्पभिइओ सक्कारेइ सम्माणेइ स० २ ता पडिविसज्जेइ, इत्थीरयणेणं बत्तीसाए उडुकल्लाणियासहस्सेहिं बत्तीसाए जणवयकल्लाणियासहस्सेहिं बत्तीसाए बत्तीसइबद्धेहिं णाडयसहस्सेहिं सद्धिं संपरिवुडे भवणवरवडिंसगं अईइ जहा कुबेरोव्व देवराया केलाससिहरिसिंगभूयंति, तए णं से भरहे राया मित्तणाइ-णियग-सयण-संबंधि-परियणं पच्चुवेक्खइ २ ता जेणेव मजणघरे तेणेव उवागच्छइ २ ता जाव मजणघराओ पडिणिक्खमइ २ त्ता जेणेव भोयणमंडवे तेणेव उवागच्छइ २ त्ता भोयणमंडवंसि सुहासणवरगए अट्टमभत्तं पारेइ २ त्ता उप्पिं पासायवरगए फुटमाणेहिं मुइंगमत्थएहिं बत्तीसइबद्धेहिं
Jain Education International
For Personal & Private Use Only
www.jainelibrary.org
