________________
तृतीय वक्षस्कार - राजधानी में प्रत्यार्वतन
१९३
विणीया रायहाणी तेणेव उवागच्छइ उवागच्छित्ता विणीयाए रायहाणीए अदूरसामंते दुवालसजोयणायाम णवजोयण-विच्छिण्णं जाव खंधावार-णिवेसं करेइ २ ता वहइरयणं सद्दावेइ २ ता जाव पोसहसालं अणुपविसइ २ ता विणीयाए रायहाणीए अट्ठमभत्तं पगिण्हइ २ ता जाव अट्ठमभत्तं पडिजागरमाणे २ विहरइ।
तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ २त्ता कोडंबियपुरिसे सद्दावेइ २त्ता तहेव जाव अंजणगिरिकूडसण्णिभं गयवई णरवई दुरूढे तं चेव सव्वं जहा हेट्ठा णवरं णव महाणिहिओ चत्तारि सेणाओ ण पविसंति सेसो सो चेव गमो जाव णिग्घोसणाइएणं विणीयाए रायहाणीए मज्झंमज्झेणं जेणेव सए गिहे जेणेव भवणवरवडिंसगपडिदुवारे तेणेव पहारेत्थ गमणाए, तए णं तस्स भरहस्स रण्णो विणीयं रायहाणिं मज्झंमज्झेणं अणुपविसमाणस्स अप्पेगइया देवा विणीयं रायहाणिं सन्मंतरबाहिरियं आसियसम्मजिओवलितं करेंति, अप्पेगइया० मंचाइमंचकलियं करेंति, एवं सेसेसुवि पएसु, अप्पेगइया० णाणाविहरागवसणुस्सियधयपडागामंडियभूमियं० अप्पेगइया० लाउल्लोइयमहियं करेंति, अप्पेगइया जाव गंधवट्टिभूयं करेंति, अप्पेगइया० हिरण्णवासं वासिंति० सुवण्णरयणवइरआभरणवासं वासेंति, तए णं तस्स भरहस्स रण्णो विणीयं रायहाणिं मज्झंमज्झेणं अणुपविसमाणस्स सिंघाडग जाव महापहपहेसु बहवे अत्थत्थिया कामत्थिया भोगत्थिया लाभत्थिया इद्धिसिया किब्बिसिया कारोडिया कारवाहिया संखिया चक्किया णंगलिया मुहमंगलिया पूसमाणया वद्धमाणया लंखमंखमाइया ताहि ओरालाहिं इट्ठाहिं कंताहिं पियाहिं मणुण्णाहिं मणामाहिं, सिवाहिं धण्णाहिं मंगल्लाहिं सस्सिरीयाहिं हिययगमणिजाहिं हिययपल्हायणिजाहिं वम्गूहि अणवरयं अभिणंदंता य अभिथुणंता य एवं वयासीजय जय णंदा! जय जय भद्दा! भदं ते अजियं जिणाहि जियं पालयाहि जियमज्झे वसाहि इंदो विव देवाणं चंदो विव ताराणं चमरो विव असुराणं धरणो विव
Jain Education International
For Personal & Private Use Only
www.jainelibrary.org
