________________
१६४
जम्बूद्वीप प्रज्ञप्ति सूत्र
परिव्वायगो विव हिलीयमाणं हिलीयमाणं खुरचलणचच्चपुडेहिं धरणियलं अभिहणमाणं २ दोवि य चलणे जमगसमगं मुहाओ विणिग्गमंतं व सिग्घयाए मुणालतंतुउदगमवि णिस्साए पक्कमंतं जाइकुलरूवपच्चयपसत्थवारसावत्तगविसुद्धलक्खणं सुकुलप्पसूयं मेहाविभइय-विणीयं अणुयतणुयसुकुमाललोमणिद्धच्छविं सुजायअमरमणपवणगरुलजइण-चवलसिग्घगामि इसिमिव खंतिखमए सुसीसमिव पच्चक्खयाविणीयं उदगहुयवह-पासाणपंसुकद्दमससक्करसवालुइल्लतड कडगविसमपब्भारगिरिदरीसुलंघणपिल्लण-णित्थारणासमत्थं अचंडपाडियं दंडयाई अणंसुपाई अकालतालुं च कालहेसिं जियणिइंगवेसगं जियपरिसहं जच्चजाईयं मल्लिहाणिं सुगपत्तसुवण्णकोमलं मणाभिरामं कमलामेलं णामेणं आसरयणं सेणावई कमेण समभिरूढे कुवलयदल-सामलं च रयणियरमंडलणिभं सत्तुजणविणासणं कणगरयणदंडं णवमालियपुप्फ-सुरहिगंधिं णाणामणिलयभत्तिचित्तं च पहोयमिसिमिसिंततिक्खधारं दिव्वं खग्गरयणं लोए अणोवमाणं तं च पुणो वंसरुक्खसिंगट्ठिदंतकालायसविउललोह-दंडयवरवइरभेयगं जाव सव्वत्थअप्पडिहयं किं पुण देहेसु जंगमाणं . गाहा - पण्णासंगुलदीहो सोलस से अंगुलाई विच्छिण्णो।
___ अद्धंगुलसोणीको जेट्टपमाणो असी भणिओ॥१॥
असिरयणं णरवइस्स हत्थाओ तं गहिऊण जेणेव आवाडचिलाया तेणेव उवागच्छइ २ त्ता आवाडचिलाएहिं सद्धिं संपलग्गे यावि होत्था। तए णं से सुसेणे सेणावई ते आवाडचिलाए हयमहियपवरवीरघाइय जाव दिसोदिसिं पडिसेहैइ॥ ____ शब्दार्थ - मुत्तोली - मध्य भाग, पणय - प्रणत-झुकना, पढें - पीठ, वत्त - बेंत, गाहिलाणं - लगाम युक्त, थास - स्थास-दर्पण, मरगय - मरकत-पन्ना, विगप्पिय - विरचित, अणब्भवाहं - अनभ्रचारी-आकाश में नहीं चलने वाला, कोकासिअ - विकसित, घोणं - नाक, पोक्खर - कमल, परिव्वायग - परिव्राजक-संन्यासी, चोक्खचरग - उत्तम आचार सम्पन्न, जमगसमगं - दोनों एक साथ, पक्कमंतं - चलने में, पच्चय - प्रतीति,
Jain Education International
For Personal & Private Use Only
www.jainelibrary.org
