________________
१२६ **-00-00-00-00-00-00-00-00-00-00-00-00-00-00-00-00-0-0-0--02-0-0-0-08-2-19-12-02-00-00-00-00-00-00-00-00-00-12
जम्बूद्वीप प्रज्ञप्ति सूत्र
मउड दित्तसिरए णरसीहे णरवई परिंदे णरवसहे मरुयरायवसभ-कप्पे अब्भहियरायतेयलच्छीए दिप्पमाणे पसत्थमंगलसएहिं संथुव्वमाणे जय २ सद्दकयालोए हत्थिखंधवरगए सकोरंटमल्लदामेणं छत्तेणं धरिजमाणेणं सेयवरचामराहिं उधुव्वमाणीहिं २ जक्खसहस्ससंपरिबुडे वेसमणे चेव धणवई अमरवइसण्णिभाए इड्डीए पहियकित्ती गंगाए महाणईए दाहिणिल्लेणं कूलेणं गामागरणगर-खेडकब्बड-मडंब-दोणमुह-पट्टणासम-संबाह-सहस्समंडियं थिमियमेइणीयं वसुहं अभिजिणमाणे २ अग्गाइं वराई रयणाई पडिच्छमाणे २ तं दिव्वं चक्करयणं अणुगच्छमाणे २ जोयणंतरियाहिं वसहीहिं वसमाणे २ जेणेव मागहतित्थे तेणेव उवागच्छइ २ ता मागहतित्थस्स अदूरसामंते दुवालसजोयणायाम णवजोयणविच्छिण्णं वरणगरसरिच्छं विजयखंधावारणिवेसं करेइ २ ता वड्डइरयणं सद्दावेइ सद्दावइत्ता एवं वयासी - खिप्पामेव भो देवाणुप्पिया! ममं आवासं पोसहसालं च करेहि करेत्ता ममेयमाणत्तियं पच्चप्पिणाहि। ____तए णं से वडइरयणे भरहेणं रण्णा एवं वुत्ते समाणे हट्टतुट्ठचित्तमाणंदिए पीइमणे जाव अंजलिं कट्ट एवं सामी तहत्ति आणाए विणएणं वयणं पडिसुणेड़ २ त्ता भरहस्स रण्णो आवसहं पोसहसालं च करेइ २ त्ता एयमाणत्तियं खिप्पामेव पच्चप्पिणइ।
तए णं से भरहे राया आभिसेक्काओ हत्थिरयणाओ पच्चोरुहइ २ ता जेणेव पोसहसाला तेणेव उवागच्छइ २ ता पोसहसालं अणुपविसइ २ त्ता पोसहसालं पमजइ २ त्ता दब्भसंथारगं संथरइ २ ता दब्भसंथारगं दुरूहइ २ त्ता मागहतित्थकुमारस्स देवस्स अट्ठमभत्तं पगिण्हइ २ त्ता पोसहसालाए पोसहिए बंभयारी उम्मुक्कमणिसुवण्णे ववगयमालावण्णगविलेवणे णिक्खित्तसत्थमुसले दब्भसंथारोवगए एगे अबीए अट्ठमभत्तं पडिजागरमाणे २ विहरइ। ___तए णं से भरहे राया अट्ठमभत्तंसि परिणममाणंसि पोसहसालाओ पडिणिक्खमइ २ त्ता जेणेव बाहिरिया उवट्ठाणसाला तेणेव उवागच्छइ २ त्ता
Jain Education International
For Personal & Private Use Only
www.jainelibrary.org
