________________
१२२
जम्बूद्वीप प्रज्ञप्ति सूत्र
अब्भुक्खित्ता सरसेणं. गोसीसचंदणेणं अणुलिंपइ २ ता अग्गेहिं वरेहिं गंधेहिं मल्लेहि य अच्चिण्णइ पुप्फारुहणं मल्लगंधवण्णचुण्ण-वत्थारुहणं आभरणारुहणं करेइ २ ता अच्छेहि सण्णेहिं सेएहिं रययामएहिं अच्छरसातंडुलेहिं चक्करयणस्स पुरओ अट्ठऽट्ठमंगलए आलिहइ, तंजहा - सोत्थिय सिरिवच्छ णंदिआवत्त, वद्धमाणग, भद्दासण, मच्छ, कलस, दप्पण अट्ठ मंगलए आलिहित्ता काऊणं करेइ उवयारंति, किं ते? पाडल-मल्लिय-चंपग-असोग-पुण्णाग-चूअ-मंजरिणवमालिअ-बकुल-तिलग-कणवीर-कुंद-कोज्जय-कोरंटय-पत्तदमणय-वरसुरहि-सुगंध-गंधियस्स कयग्गहगहिअ-करयलपब्भट्ट-विप्पमुक्कस्स दसद्धवण्णस्स कुसुमणिगरस्स तत्थ चित्तं जाणुस्सेहप्पमाणमित्तं ओहिणिगरं करेत्ता चंदप्पभवहर वेरुलियविमलदंडं कंचणमणिरयणभत्तिचित्तं कालागुरुपवरकुंदुरुक्क-तुरुक्क-धूवगंधुत्तमाणुविद्धं च धूमवर्टि विणिम्मुअंतं वेरुलिअमयं कडुच्छुअं पग्गहेत्तु पयए । धूवं दहइ २ ता सतट्ठपयाई पच्चोसक्कइ २ ता वामं जाणुं अंचेइ जाव पणामं करेइ २ ता आउहघरसालाओ पडिणिक्खमइ पडिणिक्खमित्ता जेणेव बाहिरिया उवट्ठाणसाला जेणेव सीहासणे तेणेव उवागच्छइ उवागच्छित्ता सीहासणवरगए पुरत्थाभिमुहे सण्णिसीयइ २ ता अट्ठारस सेणिप्पसेणीओ. सद्दावेइ, सद्दावेत्ता एवं वयासी - खिप्पामेव भो देवाणुप्पिया! उस्सुक्कं उक्करं उक्किटुं अदिजं अमिजं अभडप्पवेसं अदंडकोदंडिमं अधरिमं गणियावरणाडइजकलियं अणेगतालायराणुचरियं अणु यमुइंगं अमिलायमल्लदामं पमुइयपक्कीलिय-सपुरजणजाणवयं विजयवेजइयं चक्करयणस्स अट्ठाहियं महामहिमं करेइ, करेत्ता ममेयमाणत्तियं खिप्पामेव पच्चप्पिणह।
तए णं ताओ अट्ठारस सेणिप्पसेणीओ भरहेणं रण्णा एवं वुत्ताओ समाणीओ हट्ठाओ जाव विणएणं वयणं पडिसुणेति २ ता भरहस्स रणो अंतियाओ पडिणिक्खमेंति २ त्ता उस्सुक्कं उक्करं जाव करेंति य कारवेंति य करेत्ता कारवेत्ता जेणेव भरहे राया तेणेव उवागच्छंति उवागच्छित्ता तमाणत्तियं पच्चप्पिणंति।
Jain Education International
For Personal & Private Use Only
www.jainelibrary.org
