________________
तृतीय वक्षस्कार - राजधानी की सुसज्जा
१२१
(५६) तए णं तस्स भरहस्स रण्णो बहवे ईसरपभिइओ अप्पेगइया पउमहत्थगया अप्पेगइया उप्पलहत्थगया०जाव अप्पेगइया सयसहस्सपत्तहत्थगया भरहं रायाणं पिट्ठओ पिट्ठओ अणुगच्छति। तए णं तस्स भरहस्स रण्णो बहूईओ गाहा - खुजा चिलाइ वामणिवडभीओ बब्बरी बउसियाओ।
जोणियपल्हवियाओ ईसिणिय-थारुगिणियाओ॥१॥ लासिय-लउसिय-दमिली सिंहलि तह आरबी पुलिंदी य। ।
पक्कणि बहलि मुरुंडी सबरीओ पारसीओ य॥२॥ .. अप्पेगइया चंदणकलस-हत्थगयाओ चंगेरीपुप्फपडलहत्थगयाओ भिंगारआदंसथालपाइसुपइट्टग-वाय-करगरयणकरंडपुप्फचंगेरी-मल्लवण्णचुण्णगंधहत्थगयाओ वत्थआभरणलोमहत्थय-चंगेरीपुप्फपडलहत्थगयाओ जाव लोमहत्थगयाओ अप्पेगइयाओ सीहासण-हत्थगयाओ छत्तचामर हत्थगयाओ तेल्लसमुग्णयहत्थगयाओ
तेल्ले कोट्ठसमुग्गे पत्ते चोए य तगरमेला य। . हरिआले हिंगुलए मणोसिला सासवसमुग्गे॥१॥
अप्पेगइयाओ तालिअंटहत्थगयाओ अप्पेगइयाओ धूवकडुच्छुअहत्थगयाओ भरहं रायाणं पिट्टओ पिट्टओ अणुगच्छति।
तए णं से भरहे राया सव्विड्डीए सव्वजुईए सव्वबलेणं सव्वसमुदएणं सव्वायरेणं सव्वविभूसाए सव्वविभूईए सव्ववत्थ-पुप्फ-गंधमल्लालंकार-विभूसाए सव्वतुडियसहसण्णिणाएणं महया इड्डीए जाव महया वरतुडियजमगसमगप्पवाइएणं संखपणवपडह-भेरिझल्लरि-खरमुहि-मुरय-मुइंग-दुंदुहिणिग्घोसणाइएणं जेणेव आउहघरसाला तेणेव उवागच्छइ, उवागच्छित्ता आलोए चक्करयणस्स पणामं करेइ, करित्ता जेणेव चक्करयणे तेणेव उवागच्छइ, उवागच्छित्ता लोमहत्थयं परामुसइ, परामुसित्ता चक्करयणं पमजइ, पमजित्ता दिव्वाए उदगधाराए अन्भुक्खेइ,
Jain Education International
For Personal & Private Use Only
www.jainelibrary.org
