________________
५२
दशाश्रुतस्कन्ध सूत्र - षष्ठ दशा ★★★★★★★★kkkkkkkkkkkkkkkkkkkkkkkkkkkkkkk★★★★★★★★★★
atta
तहप्पगारे पुरिसजाए दंडमासी (दंडपासी) दंडगरुए दंडपुरेक्खडे अहिए अस्सिं लोयंसि अहिए परंसि लोयंसि। ते दुक्खेंति सोयंति एवं झूरंति तिप्पंति पिढेंति परितप्पंति, ते दुक्खणसोयणझूरणतिप्पण-पिट्टणपरितप्पण-वहबंधपरिकिलेसाओ अप्पडिविरया भवंति॥१०॥ ___ एवामेव ते इथिकामभोगेहिं मुच्छिया गिद्धा गढिया अन्झोववण्णा जाव वासाई चउपंच[ माइं]छदसमाणि वा अप्पतरो वा भुजतरो वा कालं भुंजित्ता कामभोगाई पसेवित्ता वेराययणाई संचिणित्ता बहुयं पावाइं कम्माइं उसण्णं संभारकडेण कम्मुणा से जहाणामए-अयगोलेइ वा सेलगोलेइ वा उदयंसि पक्खित्ते समाणे उदगतलमइवइत्ता अहे धर( णि णीयले पइट्ठाणे भवइ एवामेव तहप्पगारे पुरिसजाए वजबहुले धुत्तबहुले पंकबहुले वेरबहुले दंभणियडिसाइबहुले आसायणाबहुले अयसबहुले अप्पत्तियबहुले उस्सण्णं तसपाणघाई कालमासे कालं किच्चा धरणीयलमइवइत्ता अहे णरगधरणीयले पइट्ठाणे भवइ॥११॥
तेणं णरगा अंतो वट्टा बाहिं चउरंसा अहे खुरप्पसंठाणसंठिया णिच्चंधयारतमसा ववगयगहचंदसूरणक्खत्तजोइसप्पहा मेदवसामसरुहिर-पूयपडलचिक्खाल्ललित्ताणुलेवणतला असु( ई ) विवीसा परमदुब्भिगंधा काउयअगणिवण्णाभा कक्खडफासा दुरहियासा असुभा णरगा असुभा णरएसु वेयणा, णो चेव णं णरए णेरइया णिहायंति वा पयलायति वा सुई वा रई वा धिई वा मई वा उवलभंति, ते णं तत्थ उज्जलं विउलं पगाढं ककस कडुयं चंडं दुक्खं दुग्गं तिक्खं तिव्वं दुरहियासं णरएसुणेरड्या णरयवेयणं पच्चणुभवमाणा विहरंति ॥१२॥
से जहाणामए - रुक्खे सिया पव्वयग्गे जाए मूलछिण्णे अग्गे गरुए जओ णिण्णं जओ दुग्गं जओ विसमं तओ पवडइ एवामेव तहप्पगारे पुरिसजाए गब्भाओ गब्भं जम्माओ जम्मं माराओ मारं दुक्खाओ दुक्खं दाहिणगामिणेरइए कण्हपक्खिए आगमेसाणं दुल्लभबोहिए यावि भवइ। से तं अकिरियावाई (यावि भवइ)॥१३॥
है कि तं किरियावाई (यावि भवइ)? तंजहा-आहियावाई, आहियपण्णे, आहाही, सम्मावाई, णितियावाई, संति परलोगवाई, अत्थि इहलोगे, अत्थि परलोगे,
Jain Education International
For Personal & Private Use Only
www.jainelibrary.org
