________________
भारति
चउत्था दसा - चतुर्थ दशा
अष्टविध गणिसंपदा सुयं मे आउसं ! तेणं भगवया एवमक्खायं, इह खलु थेरेहिं भगवंतेहिं अट्ठविहा गणिसंपया पण्णत्ता, कयरा खलु अट्ठविहा गणिसंपया पण्णत्ता? .. .
इमा खलु अट्ठविहा गणिसंपया पण्णत्ता, तंजहा- आयारसंपया १, सुयसंपया २, सरीरसंपया ३, वयणसंपया ४, वायणासंपया ५, मइसंपया ६, पओगमइसंपया ७, संगहपरिण्णा णामं अट्ठमा ८। . से किं तं आयारसंपया? आयारसंपया चउव्विहा पण्णत्ता। तंजहासंजमधुवजोगजुत्ते यावि भवइ, असंपगहियअप्पा, अणिययवित्ती, वुड्डसीले यावि भवइ। से तं आयारसंपया॥१॥
से किं तं सुयसंपया? सुयसंपया चउव्विहा पण्णत्ता। तंजहा - बहुसु(त्ते )ए यावि भवइ, परिचियसुए यावि भवइ, विचित्तसुए यावि भवइ, घोसविसुद्धिकारए यावि भवइ।से तं सुयसंपया॥२॥
से.किं तं सरीरसंपया? सरीरसंपया चउव्विहा पण्णत्ता। तंजहा - आरोहपरिणाहसंपण्णे यावि भवइ, अणोतप्पसरीरे, थिरसंघयणे, बहुपडिपुण्णिंदिए यावि भवइ। से तं सरीरसंपया॥३॥
से किं तं वयणसंपया? वयणसंपया चउव्विहा पण्णत्ता। तंजहा - आदेयवयणे यावि भवइ, महुरवयणे यावि भवइ, अणिस्सियवयणे यावि भवइ, असंदिद्धवयणे यावि भवइ। से तं वयणसंपया॥४॥
से किं तं वायणासंपया? वायणासंपया चउव्विहा पण्णत्ता। तंजहा - विजयं उहिसइ, विजयं वाएइ, परिणिव्वावियं वाएइ, अत्थणिजावए यावि भवइ। से तं वायणासंपया॥५॥
से किं तं मइसंपया? मइसंपया चउव्विहा पण्णत्ता। तंजहा - उग्गहमइसंपया, ईहामइसंपया, अवायमइसंपया, धारणामइसंपया। से किं तं उग्गहमसंपया?
Jain Education International
For Personal & Private Use Only
www.jainelibrary.org
