________________
33. आगमहीणो समणो णेवप्पाणं परं वियाणादि।
अविजाणंतो अटे खवेदि कम्माणि किध भिक्खू।।
34. आगमचक्खू साहू इंदियचक्खूणि सव्वभूदाणि।
देवा य ओहिचक्खू सिद्धा पुण सव्वदो चक्खू।।
35. सव्वे आगमसिद्धा अत्था गुणपज्जएहिं चित्तेहिं।
जाणंति आगमेण हि पेच्छिता ते वि ते समणा।।
36. आगमपुव्वा दिट्ठी ण भवदि जस्सेह संजमो तस्स।
णत्थीदि भणदि सुत्तं असंजदो होदि किध समणो।।
37. ण हि आगमेण सिज्झदि सद्दहणं जदि वि णत्थि अत्थेसु।
सदहमाणो अत्थे असंजदो वा ण णिव्वादि।।
38. जं अण्णाणी कम्मं खवेदि भवसयसहस्सकोडीहिं।
तं णाणी तिहिं गुत्तो खवेदि उस्सासमेत्तेण।।
39. परमाणुपमाणं वा मुच्छा देहादिएसु जस्स पुणो।
विज्जदि जदि सो सिद्धिं ण लहदि सव्वागमधरो वि।।
40. पंचसमिदो तिगुत्तो पंचेंदियसंवुडो जिदकसाओ।
दंसणणाणसमग्गो समणो सी संजदो भणिदो।।
(90)
प्रवचनसार (खण्ड-3) चारित्र-अधिकार
