________________
41. समसत्तुबंधुवग्गो समसुहदुक्खो पसंसणिंदसमो।
समलोट्टकंचणो पुण जीविदमरणे समो समणो।।
42. दंसणणाणचरित्तेसु तीसु जुगवं समुट्टिदो जो दु।
एयग्गगदो त्ति मदो सामण्णं तस्स पडिपुण्णं।।
43. मुज्झदि वा रज्जदि वा दुस्सदि वा दव्वमण्णमासेज्ज।
जदि समणो अण्णाणी बज्झदि कम्मेहिं विविहेहिं।।
44. अट्टेसु जो ण मुज्झदि ण हि रज्जदि णेव दोसमुवयादि।
समणो जदि सो णियदं खवेदि कम्माणि विविहाणि।।
45. समणा सुद्धवजुत्ता सुहोवजुत्ता य होंति समयम्हि।
तेसु वि सुद्धवजुत्ता अणासवा सासवा सेसा।।
46. अरहंतादिसु भत्ती वच्छलदा पवयणाभिजुत्तेसु।
विज्जदि जदि सामण्णे सा सुहजुत्ता भवे चरिया।।
47. वंदणणमंसणेहिं अब्भुट्टाणाणुगमणपडिवत्ती। . समणेसु समावणओ ण णिंदिदा रायचरियम्हि।।
48. दंसणणाणुवदेसो सिस्सग्गहणं च पोसणं तेसिं।
चरिया हि सरागाणं जिणिंदपूजोवदेसो य।।
प्रवचनसार (खण्ड-3) चारित्र-अधिकार
(91)
