________________
25. उवयरणं जिणमग्गे लिंगं जहजादरूवमिदि भणिदं।
गुरुवयणं पि य विणओ सुत्तज्झयणं च णिद्दिट्ट।।
26. इहलोगणिरावेक्खो अप्पडिबद्धो परम्मि लोयम्हि।
जुत्ताहारविहारो रहिदकसाओ हवे समणो।।
27. जस्स अणेसणमप्पा तं पि तवो तप्पडिच्छगा समणा।
अण्णं भिक्खमणेसणमध ते समणा अणाहारा।।
28. केवलदेहो समणो देहे वि ममत्तरहिदपरिकम्मा। .. आजुत्तो तं तवसा अणिगूहिय अप्पणो सत्ति।।
29. एक्कं खलु तं भत्तं अप्पडिपुण्णोदरं जहालद्धं।
चरणं भिक्खेण दिवा ण रसावेक्खं ण मधुमंसं॥
30. बालो वा बुड्डो वा समभिहदो वा पुणो गिलाणो वा।
चरियं चरदु सजोगं मूलच्छेदो जधा ण हबदि।।
।
31. आहारे व विहारे देसं कालं समं खमं उवधि।
जाणित्ता ते समणो वट्टदि जदि अप्पलेवी सो॥
32. एयग्गगदो समणो एयग्गं णिच्छिदस्स अत्थेसु।
णिच्छित्ती आगमदो आगमचेट्ठा तदो जेट्टा।।
प्रवचनसार. (खण्ड-3) चारित्र-अधिकार
(89)
