________________
६०. श्रीनेमिनाथस्तोत्रसङ्ग्रहः लहुउ दुग-एगभत्तेहिं निव्वियए, अंबिलेहिं च उववासिहिं कीरए । पंच पंचेहिं मासेहिं सो पुज्जए, .. गरुउ पण वरिस उववासिहं किज्जए ।१६।।.. करवि तवु नाणु बहुभत्तिपूइज्जए, घिइण पणवट्टिओ दीवओ दिज्जए । पाव-आरंभु-अवंभुपरिवज्जए, देव-गुरुभत्ति-सुहकज्जि बहुसज्जए ॥१७|| तव समत्तीइ सत्तीइ उज्जमणए, कुणइ जिणमहिम साहमि सम्माणए । समणगणभत्ति अम्मारिउग्घोसणं, गीय-नट्टाइ अत्थियणपरितोसणं ॥१८॥ पुत्थए पट्टिया वत्तिया ठवणिया, उत्तरी विटणय कमलिया दोरिया । कणय-रुप्पस्स फुल्लाणि मसिया भायणे, सुमणि नवकारली लेहिणी नहरणे ।।१९।। नाणउवगरण अन्ने वि नेवज-फले, पंच पंचेहि पुत्थय पुरो निम्मले । वित्थरेऊण सहलंति जे नियधणं, तवह फलिते विसुहदविण सुयपरियणं ॥२०।। रायसम्माण-सोहग्ग-आरुग्गयं, बुद्धि-जस-रुव-धण-धन्न-दीहाउयं । नरह-सुरसुक्खसंपप्प हयभवदुहं, लहहि मुणिरयणसुरिबहुमयं सिवसुहं ।।२१।।
Jain Education International
For Personal & Private Use Only
www.jainelibrary.org
