________________
१३) श्रीज्ञानपञ्चमीस्तोत्रम्
उच्छलियविमलकिरणा दसणा मुत्तावलि व्व रेहति । पणमिय तं वीरजिणं, नमामि नाणं विगयमाणं ॥१॥ [गाहा] पढमं जिणेहि नाणं, परिभासियमत्थओ तओ रइयं । पडिमिव गुणगुणपुन्नं, सुत्तओ गणहरवरेहिं ॥२॥ निच्चाऽनिच्चं कालियमुक्कालियमंग तह अणंगगयं । दुग्गइपडंतताणं, नाणं नावं भवोयहिणो ॥३॥ बेयासणमिक्कासणं, निव्वियमायंबिलं च उववासो । पण-पण मासे य कमा नाणपंचमितवो लहुओ ॥४॥ गरुओ उववासेहिं, पंचहि संवच्छरेहि पडिपुन्नो । काऊण उज्जमंती, विहिणा ते महियले धन्ना ।।५।। तत्थ य पुत्थयपणगं, दोरय-फुल्लाण रुप्प-कणयाण । साडीअट्टीपट्टीपउंजणाण तहा पणगं ॥६॥ नवकारवली-नेवज्ज-फलाण घयपंचवट्टिओ दीवो । मसिभायणं नहरणं, बहुविहमिच्चाय दायव्वं ॥७॥ पुत्तरहियाण पुत्तो, दोहगतावियाण होइ सोहग्गं । वरवालियाण कित्ती, बंधवरहियाण पियबंधू ।।८।। अधणाण धणं विउलं, नाणं चिंतामणि व्व जंतूणं । चिंतियमित्तं वियरइ, आराहह तं पयत्तेणं ॥९॥ सुयनाणपंचमीए, विसेसओ जो तवं करे पूयं । सो लहइ नाणं, सिरिपसन्नचंदस्स सारिच्छं ॥१०॥
Jain Education International
For Personal & Private Use Only
www.jainelibrary.org
