________________
२६ • श्रीनेमिनाथस्तोत्रसङ्ग्रहः ब्राह्मीक्रीडातडागं मणिमयमुकर: केवलज्ञानवध्वाः, सान्द्रानन्दं प्रजानां जनयतु वदनं श्रीशिवायाः सुतस्य ॥१७॥ [स्रग्धरा] विकचकमलकोशे दाडिमीबीजपङ्क्तिः , शशभृति यदि वा स्यान्मौक्तिकश्रेणिपङ्क्तिः । . किमपि तदुपमानं स्यात् तदा यन्मुखस्य, प्रथयतु स शिवानि श्रीशिवासूर्जनानाम् ।।१८।। [मालिनी.].. जन्मस्नात्रमहे महेन्द्रनिवहाः क्षीरर्णवाम्भःपतत्कुम्भेभ्यः शिरसि प्रभोः शबलितं यस्याङ्गभासां भरैः । शेवालभ्रमतः पुनः पुनरहो हस्ते क्षिपन्त्यन्यतः, सोऽयं यच्छतु भाविनां नवशिवानन्दं शिवानन्दनः ॥१९॥ [शा०वि०] प्राकारत्रयवेष्टितं सुरवरश्रेणीभिरासेवितं, दीव्यन्नादकलं कलङ्कविकलं नीलीदलश्यामलम् । मायाबीजमिवानवाऽघनिकरप्रोच्याटनाय स्फुटं, यद् ध्यायन्ति ऋषीश्वराः स भवतान्नेमीश्वरः सिद्धये ॥२०|| लालान्दोलयुगं नु कर्णयुगलं तद्वत् तनौ कुण्डलव्याजस्वर्णमयासनं विजयते विश्वत्रयीस्वस्तरौ । ज्ञानध्यानकलाविलासललनाप्रेढोलनाकेलये, स श्रीनेमिजिनः समग्रवृजिनप्रध्वंसनः पातु वः ॥२१।। मुक्त्वा मामनुरागिणीं सुभग ! हे ! त्वय्येकचित्तां सदासिद्धानन्तभुजङ्गसङ्गमकरी मुक्त्यङ्गनां यासि किम् । एवं राजमतीमतीव य उपालम्भान् प्रयच्छत्तरामप्यौज्झत् तृणवच्छ्रियेऽस्तु भगवान् नेमिः स योगीश्वरः ॥२२।। पावित्र्योज्वल्यसम्पन्मम सदतिशया श्लाघनीयश्च शब्दः, किन्तु व्यर्थीभवन्ति ध्रुवमखिलगुणा मध्यकौटिल्यदोषात् ।
Jain Education International
For Personal & Private Use Only
www.jainelibrary.org
