________________
२६० • श्रीनेमिनाथस्तोत्रसङ्ग्रहः
३. कमलबन्धमयश्रीपार्श्वनाथस्तवनम् ॥ जगनाहे जिणे पासे, महासुक्खे महायसे । वामाकुच्छिसरोहंसे, दिन्न-व्विण सेअसे ॥१॥ [सिलोगो] असेस मंगलावासे, माणेभद्दमणंकुले। अस्ससेणे कुलागासे, दिवानाहे अनिम्मिसे ॥२॥ .. सोहिज्जमाण सप्पासे, पासाहिट्ठीअकायसे। पूरिआसेसलोआसे, इच्छादाणेण निविसे ॥३॥ गयराए गयद्दोसे, सुक्खरुक्खम्मि पाउसे। कण्णामिअफुरज्झसे, रंजिअप्पाणि माणसे ॥४॥ सेवकीभूयभूमिसे, अतुल्लाउलसाहसे। किंकरीभूयसग्गीसे, पावई पावए कुसे ॥५॥ सव्वन्नू सव्वदंसीसे, अस्स लोअम्मि माणुसे। विहरितो पहाएसे, विग्घसंघायतामसे ॥६॥ तीवसमेअतित्थेसे, रुवेणे व असारिसे। जणाणं दिन्नआसासे, सेवारत्तमहायसे ॥७॥ वणवेरुलिआभासे, निच्चमुज्झिअ कालुसे। नागरायंकिए पासे, संसारा पाहि मं सुसे ॥८॥ इअ उसहजिणिदे संतिनाहे अ नेमि, जिणवरसिरिपासे, वद्धमाणे ति पंचा। विमलकमलबंधेनेव सेवारएणं, इह अमरगिरिम्मि संथुआ दितु सिद्धिं ॥९॥ [मालिनी]
Jain Education International
For Personal & Private Use Only
www.jainelibrary.org
