________________
परिशिष्ट - 'क' • २५९ असोअरुक्खवायाए, मिसिउ तणुकंतीए । भामंडलीकए तेए, सोहा लोअज्ज कारए ॥६॥ नाणापुप्फाण वुट्ठीए, भूमिअलम्मि सोहिए । देवदेवाउलीभूए, समोसरण रायए ॥७॥ अणंतदुक्खविण्णाएऽणंतदंसण-नाणए ।
तुम मि सेविअं पाए, ठविज्ज करुणामए ॥८॥ कलसं :
विजयदानगुरुपयपंकए, भमरएण रएण जिणं थुओ। कमलबंधमएण मए थुई, नयरदेवगिरम्मि गिरंवई ॥९॥ [द्रुतविलम्बितम्]
२. कमलबन्धमयश्रीशांतिनाथस्तवनम् ॥ संतिनाहे महासीले, पत्तनिस्सेसमंगले। पत्तेऽणंतमहालीले, मुक्खे संपन्नकेवले ॥१॥ [सिलोगो] दीप्पंतदीहिई भाले, महाभागे महाबले । परुवंतो दयामूले, मग्गे धम्मस्स निम्मले ॥२॥ देवेहिं निक्कलाकेले, वंदिअक्कमजामले। वज्जे मोहमहासेले, अबीए पुहवीअले ॥३॥ चित्तं कय चमक्काले, देविंदाणं पि सकले। छक्खंडभूलमासाले, चक्कवट्टीनलेसले ॥४॥ चच्चेलिसधलाभाले, तिलोअपउमाउले । जाए जगत्तयाधाले, संतिनामे जिणेसले ॥५॥ ठवंते कयसोमाले, पाए कए सुकोमले । सुवण्णवण्ण संबोले, धीलत्तेणं सुलायले ॥६॥ निम्मए निरहंकाले, कालुण्णासमसायले । नीलरासि व्व गंभीले, धम्मरुक्के पओहले ॥७॥ मुक्खसुक्कावलीसाले, तेअसा अभलक्खले । सोमदिट्ठीइ मंधीले, लोइज्ज जगईसले ॥८॥
Jain Education International
For Personal & Private Use Only
www.jainelibrary.org
