________________
परिशिष्ट - 'क' • २४५ ३. श्रीपार्श्वनाथस्तोत्रम् ॥
तवैश नामतस्त्वरा दरा भवन्ति गत्वराः ।
प्रसृत्वरा रवेः करास्ततो यथा तमोभराः ॥ १॥ [ प्रमाणिका ] अथोत्कराश्च नश्वरा, धरेश्वराद्धि तस्कराः । स्थिराः स्युरिन्दिराभरा, स्वमन्दिरान्नहीत्वराः ॥२॥ विभोः स्तवेषु तत्पराः नरा जगत्सु जित्वराः । तकेषु तत्परादरादरातयोपि किङ्कराः ||३|| विधीयतां जिनेश्वराऽऽशु पार्श्वदृक्कृपापरा । प्रराढ्यतांतरात्वरा, ममापि धर्मशीलराः ||४||
४. श्रीमहावीरस्तोत्रम् ॥ योऽचीचलदुश्च्यवनोरसि स्थितः, क्रमाङ्गुलीतः किल कर्णिकाचलम् । स्वनामचुञ्चश्च चरिक्रियादयं, स श्रीमहावीरजिनो महोदयम् ॥१॥ [उपजाति: ] अर्कः शुभोदर्कमतर्कितश्रियं, जैवातृकः प्रातिजयं यशःक्रियम् । भौमो भिनत्तीतिमनीतिजाम्भयं, बुधो ददातीह बुधोचितां धियम् ॥२॥ गुरुर्गुरुं ज्ञानगुणं विधत्ते काव्यः कलां काव्यकलां च दत्ते । शनिः शुभं राहुरयं शिखीशं, नुः सेवितुर्यच्छति वीरमीशम् ॥३॥ एवं सेवां दधतः पञ्चजिनानां कथां प्रपञ्चन्ते ।
ते सोख्यानि लभन्ते, भव्य श्रीधर्मशीलभृतः ||४|| [आर्या ]
Jain Education International
XXX
For Personal & Private Use Only
www.jainelibrary.org
