________________
८) धर्मशीलविरचितानि पञ्चजिनस्तोत्राणि ॥
१. श्रीआदिनाथस्तोत्रम् ॥ जय वृषभ ! वृषभवृषविहितसेव !, सेवकवाञ्छितफल फलद देव ! | देवादेवाच्चितपादपद्म !, पद्मानन ! पूरितभूरिपद्म ! ॥१॥ [पद्धडिका] पद्माङ्गजमदगजगजविपक्ष ! पक्षीकृतजगदुपकारलक्ष ! । लक्षितसमलोकालोकभाव!, भावितसूनृत ! सुंगुणस्वभाव. ! ॥२॥ भावारितमोभरतरणिरूप ! रूपस्थित ! रूपातीतरूप ! । रूपितसदुपज्ञसुधर्मशील ! शीलितशाश्वतशिवसौख्यलील ! ॥३॥
२. श्रीशान्तिनाथस्तोत्रम् ॥ . . स्तुवन्तु तं जिनं सदोपकारतालताघनं, ' स्वदेहदानतो यको ररक्ष रक्तलोचनम् । प्रसूदरस्थितेन यत् शुभंयुता प्रयुञ्जिता, त्वरा निजाः प्रजाव्रजा रूजाविवर्जिताः कृताः ॥१॥ [पञ्चचामर] अवाप्य जन्म येन चक्रवर्तिता प्रवर्तिता, जगत्प्रभुत्वमाप्य कीर्तिनर्तकीव निर्तता। अभीष्टदा दिवस्तरुर्घटो मणिस्त्रयोप्यमी, अनुत्वकान्तकांस्तु सेवते सना सनाभुमी (?) ॥२॥ स्वकीयसेवकाय यः सुखं ददाति सत्वरं, ततो मुदा तमाचिरेयमाचिरेयमीश्वरम् । नमो नमोस्तु ते त्वया समो न कोप्यहो ! प्रभुः, सुधर्मशीलने भवे भवेस्त्वमेव मे विभुः ॥३॥
Jain Education International
For Personal & Private Use Only
www.jainelibrary.org
