________________
यमकमयं नेमिजिनस्तोत्रम् • १८७ त्वत्पदौ नमत ईयुषः क्षमा-वास-राभसिकतामनागसौ । याऽलिके लगति नाऽशुभा तमो-वासराभ! सिकता मनागसौ ॥१४॥ [रथोद्धता] नाशमीश ! स यशोस्तपूर्णिमा-राजतार मम लम्भयाऽऽपदः । यस्य ते गुणकदम्बकं सदाऽराजताऽऽरममलं भयाऽऽपदः ॥१५॥ मोहमल्लमिह संपदा नमन्-मानवाऽरणमतेरऽयादिमम् । आन्तरारिनिकरे मम प्रभो !, मान-वारणमते ! रयादिमम् ।।१६।। अवधि दोषततिर्भवता जवाद्, दृतसुवर्णगिरा विहतापदा । जिन ! सुरैः कृतजन्ममहः क्षमाऽऽदृत सुवर्णगिराविहतापदा ॥१७॥ [द्रुत०] पदयुगं मनुजेन विनम्यतेऽमितकला वहता विनताऽऽवकम् । शिवपुरे गमनाय पदे श्रिया, मितकलावऽहताविन तावकम् ॥१८॥ नेमे ! महामोहतमारवेऽगधीराऽजित ! त्वामतमोक्ष ! मान । नेमे महामो हतमारवेग !, धीराजितत्वामत मोक्षमा न ॥१९॥ [उपेन्द्रवज्रा] महोदयाऽऽसीन रवीरसार-महोऽदयासी नरवीर ! सार ! । क्षमारतेहाऽसमदानवाद्यऽक्षमारतेऽहासमदानऽवाऽद्य ॥२०॥ [इन्द्रवज्रा] हृद्याऽऽननाऽऽगोऽपमनोऽसमाय, शमाऽतनो राम यमोहमान । शमाऽऽतनोऽऽरामय मोह-मान-हृद्यानना गोपम! नोऽसमाऽय॥२१॥ [उप०] अष्टमीविधुसमानभाल ! यस्त्वामवन्दत वरप्रभालय ! । संश्रयन्ति सततं शुभालयस्तं सरोरुहमिवाऽनिभालयः ॥२२॥ [रथोद्धता] राज-राजतगिरि-स्फुरंद्यशोरा-जरा-जनन-हीन मे जिन ! । राजराजदमरैः पिपासितेराऽजराजस-भरं त्वमञ्जसा ॥२३॥ गतसङ्गर ! सङ्गर ! सङ्गरसो, धृतिमानऽवमानवमानवरैः । नृसभाऽवन-भावनभावविधे !, समतारत ! तारतताऽरतधीः ॥२४॥ [तोटकम् जिततमोऽक्ष ! तमोऽक्षत ! मोक्षभाग, प्रसृमराऽऽगम-राग-मराऽऽगसां । अश-मनोद ! मनो-दम नोदयं, ध्रुवमऽदारमऽदाऽरमऽदारयत् ।।२५।। [द्रुत०]
Jain Education International
For Personal & Private Use Only
www.jainelibrary.org
