________________
नेमिनाथपञ्चाशिका • ९१ कत्तो तुम्हाण पहु ! तुल्ला होहिंति देवया अन्ने । पुरओ वेरुलियस्सा, काओ काओ वि य वराओ ||३१|| तुह वयणं जत्थ जए, तत्थ न छज्जंति अन्नवयणाणि । जुन्हा ताराण कहं सूरे उइयम्मि नहमझे ||३२|| वयणामएण सित्तो, न मुयइ मिच्छत्तसंगयं को वि । खीरेण खालिओ वि हु नहु धवलो होइ इंगालो ||३३|| तइ धम्मं पि कर्हिते कओ अभव्वाण होइ भव्वत्तं । अंधेणं चिय जायं उलुएण, वि दिणयरो जइ वि ||३४|| सरिसो तुह नाह! मए, दिट्ठो न य भुयणमज्झयारम्मि । सूरस्स कहं उवमा, खज्जोएण समप्पड ||३५|| तुंगत्तणेण तुल्ला न होंति गुणरयण ! माणवा अन्ने । मेरुस्स कहं जुज्जइ ?• उवमाए सरिसवे सुयणु ! ||३६|| सरणागयजयबंधव ! पडिवन्नं तुज्झ सासणं जेहिं । ते सुकयत्था जीवा, पत्ता ते चेव सम्मत्तं ||३७| नित्थिण्णो भवजलही, लद्ध तुह पायवंदणं जेहिं । कप्पइ स कज्जसिद्धी, पत्तो चिंतामणि जेण ||३८|| कंकेल्लिपायवो जिण!, छज्जइ उवरिम्मि संठिओ धणयं । सव्वो वि लहइ सोहं, छायं गरुयाण कुणमाणो ||३९|| छज्जइ पंचविहाणं वुट्ठी पुप्फाणं देवमुक्काणं । कस्स व न होइ महिमा, उत्तमट्ठाणम्मि पत्तस्स ? ||४०|| एकं महुरसहावा बीयं जिणवयणनिग्गया वाणि । केसिं न होइ सुहया ? दुद्धेणं सक्करा जत्थ ॥४१॥ जुयलं चमराण वरं, छज्जा सुरनाहकरयलुक्खित्तं । सुपुरिसपरिग्गहेणं कस्सेव न चंगिमा लोए ? ॥४२॥
Jain Education International
For Personal & Private Use Only
www.jainelibrary.org
