________________
९०. श्रीनेमिनाथस्तोत्रसङ्ग्रहः विरहे तुह जयबंधव लंक सरिच्छा वि पुरवरी सुन्ना । वरहंसेण विमुक्कं सरोवरं केरिसं होइ ? ॥१९।। सुलु कयं वीर ! तए, चत्तो बालेण जेण घरवासो । परिणामदारुणम्मि, विसम्मि को नाम अहिलासो ? ॥२०॥ उज्जितो लट्ठयरं, अप्पाणं पव्वयाण मण्णेइ । को वा न होइ लट्ठो, कल्लाणपरंपरा जस्स ? ॥२१॥ मोत्तूण रायकन्नं सिद्धिवहूकंठिओ कहं सामि । अमयरसलद्धपसरो, इयरजलं को वि पत्थेइ ? ॥२२॥ अंगम्मि तुह विलीणो, मयणो दप्पुद्धरो वि तारुण्णे । जलणसिहामुहवडियं खणेण मयणं विलिज्जेह ।।२३।। चउपन्नवासराई धम्मधुर पालिऊण छउमत्थो । आसोयऽमावसाए पत्तं वरकेवलं तुमए ॥२४॥ दिट्ठो य लोयणेहिं सम्मं न वियाणिओ अभव्वेहिं । सबरो कह वियाणइ गुंजामुत्ताहलविसेसं ॥२५॥ तुह सासणे वि लद्धे भमिओ हं नाह ! एत्तियं कालं । दंते वि जलंजलए तिसियं बप्पीहयकुटुंबं ।।२६।। मिच्छत्ताइभावा न हुंति तुह दंसणम्मि जीवाणं । कत्तो तणाण कुसलं ? जलिओ दावानलो जत्थ ॥२७॥ सोऊण तुम्ह वयणं न मणं अन्नत्थ रमइ भव्वाणं । पीए दुद्धम्मि कओ अहिलासो कंजिए होइ ? ॥२८॥ तुह दंसणं सुदंसण ! पत्तं कहकह वि भव्वसत्तेहिं । चारयगएहि दीसइ, जह बिंबं चंद-सूराणं ॥२९॥ जयवच्छल ! तुज्झ गुणा भुवणं भरिऊण ठाणमलहंता । चेदण-छलेण पुणरवि पेच्छ वच्छत्थले लग्गा ॥३०॥
Jain Education International
For Personal & Private Use Only
www.jainelibrary.org
