________________
नेमिनाथपञ्चाशिका • ८९ संपाइय गुरुपूया, संमाणियडोहला कमेणं तु । सावण सुद्धे पंचमि जायं पुत्तं विसालत्थं ॥७॥ तुह जम्मम्मि गुणायर ! जाया भुवणस्स धवलिमा कावि । दिणयरकराण पसरे, कत्तो ? तिमिरस्स अवयासो ॥८॥ सोरियपुरम्मि तइया, तुह जम्मे वट्टिओ आणंदो । कस्स न होही हरिसो, पत्ते विउले निहाणम्मि ।।९।। जायवकुलपरिओसो जाओ जाएण कुलपईवेण । दंसेइ उग्गमंतो चंदो कुमुयाण आणंदं ॥१०॥ मन्नामि पूयणिज्जो, जाओ मेरु संगमे तुज्झ । सो होइ सामिसरिसो सिरसा जो सामियं धरइ ॥११॥ गरुवो वि कंचणगिरी पत्ते जम्मम्मि न्हाणविढत्तं । गरुया वि गुरुनामाणं, कुणंति विणयं न संदेहो ॥१२॥ लक्खं कयं विलक्खं, बलस्स समरम्मि बालकाले वि । लहुओ सीहकिसोरो, दलइ मरदै गइंदाणं ॥१३।। कामिणिकडक्खविखे विखोहियं तुज्झ नाह ! न हु चित्तं । कह वा सुरगिरिसिहरं कंपिज्जए वायगुंजाहिं ॥१४॥ गंतूण तए जयगुरु, आउहसालाए पूरिओ संखो। जह. खुहिया सत्तुगणो, थरहरिया मेइणी सव्वा ॥१५॥ अंदोलिओ भूयाए खुहिओ चित्तेण केसवो झत्ति । सव्वं गुणाहिओ नणु संखोहं जणइ इयरस्स ॥१६॥ छड्डित्ता रज्जधुरं सावणछट्ठीए सुद्धपक्खम्मि । निक्खंतो खायजसो थुव्वंतो देवसंघेहिं ॥१७॥ मोयाविया तए यदु !, जीवा सव्वे वि पाणिगहणम्मि । सच्चवियं सप्पुरिसा, परोवयारम्मि तल्लिच्छा ॥१८॥
Jain Education International
For Personal & Private Use Only
www.jainelibrary.org
