________________
दूसरा स्थान पद - वाणव्यंतर देवों के स्थान
२१३
************************-
*-*-*-*-*-*
*-*-*-*-*-*-*-*
वाणव्यंतर देवों के स्थान कहि णं भंते! वाणमंतराणं देवाणं पजत्तापजत्तगाणं ठाणा पण्णत्ता? कहि णं भंते! वाणमंतरा देवा परिवसंति?,
गोयमा! इमीसे रयणप्पभाए पुढवीए रयणामयस्स कंडस्स जोयण सहस्स बाहल्लस्स उवरि एगं जोयणसयं ओगाहित्ता, हिट्ठा वि एगं जोयणसयं वजित्ता मझे अट्ठसु जोयणसएसु एत्थ णं वाणमंतराणं देवाणं तिरियमसंखिज्जा भोमिज्ज णयरावास सयसहस्सा भवंतीति मक्खायं। __ ते णं भोमिज्जा णयरा बाहिं वट्टा, अंतो चउरंसा, अहे पुक्खरकण्णिया संठाण संठिया, उक्किण्णंतर-विउल गंभीर खायफलिहा, पागारट्टालय-कवाड-तोरणपडिदुवारदेसभागा, जंतसयग्धिमुसल-मुसुंढिपरिवारिया, अउज्झा, सयाजया, सदागुत्ता, अडयाल कोट्ठग रइया, अडयाल कयवणमाला, खेमा, सिवा, किंकरामरदंडोवरक्खिया, लाउल्लोइयमहिया, गोसीस सरस रत्तचंदण दद्दर दिण्ण पंचंगुलितला, उवचिय चंदण कलसा, चंदण घड सुकय तोरण पडिदुवार देसभागा, आसत्तोसत्त विउल वट्टवग्धारिय मल्ल दाम कलावा, पंच वण्ण सरस सुरहि मुक्क पुष्फ पुंजोवयार कलिया, कालागरु पवर कुंदुरुक्क तुरुक्क धूव मघमघंत गंधुद् धुयाभिरामा, सुगंधवरगंधिया, गंधवट्टिभूया, अच्छरगणसंघसंविकिण्णा, दिव्व तुडिय सद्द संपणइया, पडागमालाउलाभिरामा, सव्वरयणामया,
अच्छा, सण्हा, लण्हा, घट्ठा, मट्ठा, णोरया, णिम्मला, णिप्पंका, णिक्कंकडच्छाया, सप्पहा, सस्सिरीया, समरीइया, सउज्जोया, पासाईया, दरिसणिजा, अभिरूवा, पडिरूवा।
एत्थ णं वाणमंतराणं देवाणं पज्जत्तापजत्तगाणं ठाणा पण्णत्ता। तिसु वि लोयस्स असंखिजइभागे।तत्थ णं बहवे वाणमंतरा देवा परिवसंति।
तंजहा - पिसाया, भूया, जक्खा, रक्खसा, किंणरा, किंपुरिसा, भुयगवइणो य महाकाया, गंधव्व गणा य णिउणगंधव्व गीयरइणो,
अणवण्णिय पणवण्णिय-इसिवाइय भूयवाइय कंदिय-महाकंदिया य कुहंड
Jain Education International
For Personal & Private Use Only
www.jainelibrary.org
