________________
*****************
दूसरा स्थान पद - भवनवासी देव स्थान
सुवण्णकुमारा देवा परिवसंति, महिड्डिया जाव विहरंति । वेणुदाली इत्थ सुवण्णकुमारिंदे सुवण्णकुमार राया परिवसइ, महिड्डिए सेसं जहा णागकुमाराणं । एवं जहा सुवण्णकुमाराणं वत्तव्वया भणिया तहा सेसाण वि चउदसण्हं इंदाणं भाणियव्वा । वरं भवण णाणत्तं इंद णाणत्तं वण्ण णाणत्तं परिहाण णाणत्तं च इमाहिं गाहाहिं अणुगंतव्वं
चउसट्ठि असुराणं चुलसीयं चेव होंति णागाणं । बावत्तरं सुवणे वाकुमाराण छण्णउई ॥ १ ॥ दीव - दिसा - उदहीणं विज्जुकुमारिंद - थणिय-मग्गीणं । छण्हंपि जुयलयाणं छावत्तरिमो सयसहस्सा ॥ २ ॥ चउतीसा चउयाला अट्ठत्तीसं च सयसहस्साइं । पण्णा चत्तालीसा दाहिणओ हुंति भवणाई ॥ ३॥ तीसा चत्तालीसा चडतीसं चेव सयसहस्साइं । छायाला छत्तीसा उत्तरओ हुंति भवणाई ॥ ४ ॥ चट्टी सट्ठी खलु छच्च सहस्साइं असुरवज्जाणं । सामाणिया उ एए चउग्गुणा आयरक्खा उ ॥५॥ चमरे धरणे तह वेणुदेवे हरिकंत अग्गिसीहे य । पुणे जलकंते य अमिय-विलंबे य घोसे य ॥ ६ ॥ बलि-भूयाणंदे वेणुदाली-हरिस्सहे अग्गिमाणव विसिट्ठे । • जलपह तह अमियवाहणे पभंजणे य महाघोसे ॥ ७ ॥ उत्तरिल्लाणं जाव विहरति ।
काला असुरकुमारा, णागा उदही य पंडुरा दो वि । वर- कणग-हिस-गोरा हुंति सुवण्णा दिसा थणिया ॥ ८ ॥ उत्तत्त-कणग-वण्णा विज्जू अग्गी य होंति दीवा य । सामापियंगु वण्णा वाउकुमारा मुणेयव्वा ॥ ९ ॥ असुरेस हुंति रत्ता सिलिंध- पुप्फप्पभा य णागुदही । आसासग-वसणधरा होंति सुवण्णा दिसा थणिया ॥ १० ॥
Jain Education International
२०९
For Personal & Private Use Only
www.jainelibrary.org
