________________
दूसरा स्थान पद - भवनवासी देव स्थान
१९७
*****************************-*-*-*-*************
भरणा, विचित्तमालामउलिमउडा, कल्लाणग पवरवत्थपरिहिया, कल्लाणग पवरमल्लाणु-लेवणधरा भासुरबोंदी पलंबवणमालधरा।
दिव्वेणं वण्णणं, दिव्वेणं गंधेणं, दिव्वेणं फासेणं, दिव्वेणं संघयणेणं, दिव्वेणं संठाणेणं, दिव्वाए इड्डीए, दिव्वाए जुईए, दिव्वाए पभाए, दिव्वाए छायाए, दिव्वाए अच्चीए, दिव्वेणं तेएणं, दिव्वाए लेसाए, दस दिसाओ, उज्जोवेमाणा पभासेमाणा।
ते णं तत्थ साणं साणं भवणावाससयसहस्साणं, साणं साणं सामाणियसाहस्सीणं, साणं साणं तायत्तीसाणं, साणं साणं लोगपालाणं, साणं साणं अग्गमहिसीणं, साणं साणं परिसाणं, साणं साणं अणियाणं, साणं साणं अणियाहिवईणं, साणं साणं आयरक्खदेवसाहस्सीणं, अण्णेसिं च बहूणं भवणवासीणं देवाण य देवीण य आहेवच्चं पोरेवच्चं सामित्तं भट्टित्तं महत्तरगत्तं आणाईसरसेणावच्चं कारेमाणा, पालेमाणा, महया हयणट्ट-गीय-वाइयतंती-तलताल-तुडियघणमुइंगपडुप्पवाइयरवेणं दिव्वाइं भोगभोगाइं भुंजमाणा विहरंति। - चमरबलिणो इत्थ दुवे असुरकुमारिंदा असुरकुमार-रायाणो परिवसंति। काला, महाणीलसरिसा, णीलगुलियगवलअयसिकुसुमप्यगासा, वियसियसयवत्तणिम्मलईसिसियरत्ततंबणयणा, गरुलाययउज्जुतुंग णासा, ओयविय-सिलप्पवालबिंबफलसंणिभाहरोट्ठा, पंडुरससिगलविमल-णिम्मलदहिघण-संख-गोक्खीर-कुंददगरय-मुणालियाधवलदंतसेढी, हुयवहणिद्धंतधोयतत्ततवणिज्जरत्ततलतालुजीहा, अंजण-घणकसिणगरुयगरमणिजणिद्धके सा, वामेयकुंडलधरा, अद्दचंदणाणुलित्तगत्ता ईसीसि-लिंधपुप्फप्पगासाइं असंकिलिट्ठाइं सुहुमाइं वत्थाई पवरपरिहिया, वयं च पढमं समइक्कंता, बिइयं च असंपत्ता, भद्दे जोव्वणे वट्टमाणा, तलभंगयतुडिय-पवरभूसण-णिम्मलमणि-रयणमंडियभुया, दसमुद्दामंडियग्गहत्था, चूडामणिचित्तचिंधगया, सुरूवा, महिड्डिया, महज्जुईया, महायसा, महाबला, महाणुभागा, महासोक्खा, हारविरा-इयवच्छा, कडयतुडियथंभियभुया, अंगद-कुंडलमढगंडतलकण्णपीढधारी, विचित्त-हत्थाभरणा, विचित्तमालामउलिमउडा, कल्लाणगपवरवत्थपरिहिया, कल्लाणगपवरमल्लाणुलेवणधरा, भासुरबोंदी, पलंबवणमालधरा,
Jain Education International
For Personal & Private Use Only
www.jainelibrary.org
