________________
२४६०
भगवती सूत्र-श. १५ आदेश का दाम्भिक पालन
आदेश का दाम्भिक पालन
- ३४-तएणं आजीविया थेरा गोसालं मखलिपुत्तं कालगयं जाणित्ता हालाहलाए कुंभकारीए कुंभकारावणस्स दुवाराई पिहेंति, दुवाराइं पिहित्ता हालाहलाए कुंभकारीए कुंभकागवणरस बहुमज्झ. देसभाए सावत्थि णयरिं आलिहंति, सा० २ आलिहित्ता गोसालस्स मंखलिपुत्तस्स सरीरगं वामे पाए मुंवेणं बंधइ, वा० २ बंधित्ता तिक्खुत्तो मुहे उट्ठहंति, उट्ठहित्ता सावत्थीए णयरीए सिंघा. डग० जाव पहेसु आकड्ढविकइिंढ करेमाणा, णीयं णीयं सदेणं उग्घोसेमाणा उग्घोसेमाणा एवं वयासी-'णो खलु देवाणुप्पिया ! गोसाले मंखलिपुत्ते जिणे जिणप्पलावी, जाव विहरिए, एस णं गोसाले चेव मंखलिपुत्ते समणघायए, जाव छउमत्थे चेव कालगए । समणे भगवं महावीरे जिणे, जिणप्पलावी जाव विहरइ, सवहपडिमोक्खणगं करेंति, स० २ करित्ता दोच्चं पि पूयासक्कारथिरीकरणट्ठयाए गोसालप्स मंखलिपुत्तस्स वामाओ पायाओ मुंवं मुयंति, मुंवं मुड़त्ता हालाहलाए कुंभकारीए कुंभकारावणस्स दुवारवयणाई अवगुणंति, अवगुणित्ता गोसालस्स मंखलिपुत्तस्स सरीरगं सुरभिणा गंधोदएणं पहाणेति, तं चेव जाव महया इड्ढि-सक्कारसमुदएणं गोसालस्स मंखलिपुत्तस्स सरीरगस्स णीहरणं करेंति ।
Jain Education International
For Personal & Private Use Only
www.jainelibrary.org
