________________
२४३४
भगवती सूत्र -श. १५ आक्रमणकारी स्वयं आहत
आक्रमणकारी स्वयं आहत
१८-तएणं से गोसाले मंखलिपुत्ते सुणक्खत्तं अणगारं तवेणं तेएणं परितावित्ता तच्चं पि समणं भगवं महावीरं उच्चावयाहिं आउसणाहिं आउसइ, सव्वं तं चेव जाव सुहं पत्थि । तएणं समणे भगवं महावीरे गोसालं मंखलिपुत्तं एवं वयासी-जे वि ताव गोसाला ! तहारूवस्स समणस्स वा माहणरस वा तं चेव जाव पज्जुवासइ, किमंग पुण गोसाला ! तुमं मए चेव पव्वाविए, जाव मए चेव बहुस्सुईकए, ममं चेव मिच्छं विपडिवण्णे ? तं मा एवं गोसाला ! जाव णो अण्णा । तएणं से गोसाले मंखलिपुत्ते समणेणं भगवया महावीरेणं एवं वुत्ते समाणे आसुरुत्ते ५ तेयासमुग्धाएणं समोहण्णइ, तेया०-हणित्ता सत्तट्ठ पयाई पच्चोसक्काइ, पञ्चोसक्कित्ता समणस्स भगवओ महावीरस्स वहाए सरीरगंसि तेयं णिसिरइ । से जहाणामए वाउक्कलिया इ वा वायमंडलिया इ वा मेलंसि वा कुइडंसि वा थंभंसि वा थूमंसि वा आवरिजमाणी वा णिवारिज्जमाणी वा सा णं तत्थ णो कमइ, णो पक्कमइ, एवामेव गोसालस्स वि मंखलिपुत्तस्स तवे तेए समणस्स भगवओ महावीरस्स वहाए सरीरगंसि णिसिटे समाणे से णं तत्थ णो कमइ, णो पक्कमइ, अंचियंचियं करेइ, अचि० २ करित्ता आयाहिणपयाहिणं करेइ,
Jain Education International
For Personal & Private Use Only
www.jainelibrary.org
