________________
भगवती सूत्र-श. १४ उ. ६ देवेन्द्र के भोग
देवेन्द्र के भोग
३ प्रश्न-जाहे णं भंते ! सक्के देविंदे देवराया दिव्वाइं भोगभोगाई भुजिउंकामे भवइ से कहमियाणि पकरेइ ? ___३ उत्तर-गोयमा ! ताहे व णं से सक्के देविंदे देवराया एगं - महं णेमिपडिरूवगं विउव्वह; एगं जोयणसयसहस्सं आयामविक्खंभेणं, तिण्णि जोयणसयसहस्साइं जाव अधंगुलं च किंचिविसेसाहियं परिक्खेवेणं । तस्स णं णेमिपडिरूवगस्स उवरिं बहुसमरमणिजे भूमिभागे पण्णत्ते, जाव मणीणं फासो, तस्स णं णेमिपडिरूवगस्स बहुमज्झदेसभागे तत्थ णं महं एगं पासायवडेंसगं विउव्वइ पंच जोयणसयाई उड्डे उच्चत्तेणं, अड्ढाइन्जाइं जोयणसयाइं विक्खंभेणं, अन्भुग्गय मूसिय० वण्णओ जाव पडिरूवं । तस्स णं पासायवडिंसगस्स उल्लोए पउमलयाभत्तिचित्ते जाव पडिरूवे । तस्स णं पासायवडेंसगस्स अंतो बहुसमरमणिजे भूमिभागे जाव मणीणं फासो, मणिपेढिया अट्ठजोयणिया जहा वेमाणियाणं । तीसे णं मणिपेढियाए उवरिं महं एगे देवसयणिजे विउव्वइ, सयणिज्जवण्णओ जाव पडिरूवे । तत्थ णं से सक्के देविंदे देवराया अहिं अग्गमहिसीहिं सपरिवाराहिं, दोहि य अणिएहिं पट्टाणिएण य गंधव्वाणिएण य सदधिं महयाहयणट्ट० जाव दिव्वाई भोगभोगाई भुंजमाणे विहरइ ।
Jain Education International
For Personal & Private Use Only
www.jainelibrary.org
